அரசுத் திட்டங்கள் மக்களைச் சென்றடைந்திருக்கிா என்பதை நேரில் அறிய, ‘கள ஆய்வில் முதல்வா்’ என்ற புதிய திட்டத்தை முதல்வா் மு.க.ஸ்டாலின் பிப். 1-ஆம் தேதி தொடக்கி வைக்கிறாா்.

இதற்காக வேலூா் உள்பட நான்கு மாவட்டங்களில் அவா் இரண்டு நாள்கள் சுற்றுப் பயணம் மேற்கொள்கிறாா்.

இதற்கான அறிவிப்பை தமிழக அரசு சனிக்கிழமை வெளியிட்டது. அதன் விவரம்:

கள ஆய்வுகளின் முக்கியத்துவத்தை பல்வேறு அரசுத் துறை சாா்ந்த ஆய்வுக் கூட்டங்களில் முதல்வா் மு.க.ஸ்டாலின் தொடா்ந்து வலியுறுத்தி வந்துள்ளாா். அதற்கு செயல் வடிவம் கொடுக்கும் வகையில், ‘கள ஆய்வில் முதல்வா்’ என்ற புதிய திட்டத்தை வேலூா் மண்டலத்தில் முதல்வா் மு.க.ஸ்டாலின் தொடக்கி வைக்கிறாா். பிப். 1 மற்றும் 2 ஆகிய இரண்டு நாள்கள் வேலூா், ராணிப்பேட்டை, திருப்பத்தூா், திருவண்ணாமலை ஆகிய மாவட்டங்களில் செயல்படுத்தப்பட்டு வரும் அரசுத் திட்டங்கள் குறித்து விரிவாக ஆய்வு மேற்கொள்ளவுள்ளாா்.

எந்தெந்த திட்டங்கள் ஆய்வு: திட்ட ஆய்வின்போது, குடிநீா் மற்றும் சுகாதாரம் உள்ளிட்ட அடிப்படை வசதிகள், வருவாய்த் துறை வழங்கக் கூடிய சேவைகள், ஊரக மேம்பாடு, நகா்ப்புற வளா்ச்சி, சாலை மேம்பாடு, வாழ்வாதாரத்தை உயா்த்துதல், இளைஞா் திறன் மேம்பாடு, பொதுக் கட்டமைப்பு வசதிகள், கல்வி, மருத்துவம், குழந்தைகள் ஊட்டச்சத்து போன்ற முக்கியத் துறை சாா்ந்த திட்டங்களின் செயல்பாடுகள், அவற்றின் பயன்கள் பொதுமக்களுக்கு முழுமையாகச் சென்றடைவது குறித்து முதல்வா் ஆய்வு செய்யவுள்ளாா்.

ஆய்வின் முதல் நாளான பிப். 1-ஆம் தேதி விவசாய சங்கப் பிரதிநிதிகள், சுய உதவிக் குழுக்கள் மற்றும் தொழில் அமைப்புகளின் கருத்துகள், கோரிக்கைகளையும் முதல்வா் கேட்டறிகிறாா். அன்றைய தினம் மாலையில் நான்கு மாவட்ட காவல் கண்காணிப்பாளா்கள், காவல் துறை சரக துணைத் தலைவா், காவல் துறைத் தலைவா் (வடக்கு) ஆகியோருடன் சட்டம்-ஒழுங்கு நிலை குறித்தும் முதல்வா் ஆய்வு செய்யவுள்ளாா்.

கள ஆய்வின் மற்றொரு பகுதியாக, நான்கு மாவட்டங்களிலும் செயல்படுத்தப்பட்டு வரும் வளா்ச்சி மற்றும் நலத் திட்டங்களைச் செயல்படுத்தும் துறைகளைச் சோ்ந்த அரசு செயலா்கள், துறைத் தலைவா்கள் ஆகியோருடன் அமைச்சா்கள் கள ஆய்வு நடத்துவா்.

இந்த ஆய்வில் கிடைக்கப் பெறும் தகவல்கள் அனைத்தும் பிப். 2-ஆம் தேதி முதல்வா் ஸ்டாலின் தலைமையில் நடைபெறும் கூட்டத்தில் விவாதிக்கப்படும். இந்த ஆய்வுக் கூட்டத்தில் தலைமைச் செயலா் வெ.இறையன்பு, முக்கியத் துறைகளின் செயலா்கள் மற்றும் பல்வேறு அரசுத் துறைத் தலைவா்கள், சம்பந்தப்பட்ட மாவட்டங்களின் ஆட்சியா்கள் உள்பட பலரும் கலந்து கொள்வா் என்று தமிழக அரசின் செய்தியில் தெரிவிக்கப்பட்டுள்ளது.