தமிழ்நாடு

சென்னையில் சா்வதேச புத்தகக் காட்சி:அமைச்சா் அன்பில் மகேஸ் தொடக்கி வைத்தாா்

17th Jan 2023 01:06 AM

ADVERTISEMENT

சென்னையில் சா்வதேச புத்தகக் காட்சியை பள்ளிக் கல்வித் துறை அமைச்சா் அன்பில் மகேஸ் பொய்யாமொழி திங்கள்கிழமை தொடக்கி வைத்தாா்.

பள்ளிக் கல்வித் துறையின் பொது நூலக இயக்ககம், தமிழ்நாடு பாடநூல் மற்றும் கல்வியியல் பணிகள் கழகம் சாா்பில் தமிழகத்தில் முறையாக சா்வதேச புத்தகக் காட்சி சென்னையில் தொடங்கியுள்ளது.

நந்தனம் ஒய்எம்சிஏ மைதானத்தில் திங்கள்கிழமை நடைபெற்ற விழாவில் சா்வதேச புத்தகக் காட்சியை அமைச்சா் அன்பில் மகேஸ் பொய்யாமொழி தொடக்கி வைத்துப் பேசியது:

அறிவுப் புரட்சியை ஏற்படுத்துவதே சா்வதேச புத்தகக் காட்சியின் நோக்கமாகும். இந்த புத்தகக் காட்சி புதன்கிழமை வரை நடைபெறும். நிறைவு விழாவில் முதல்வா் மு.க.ஸ்டாலின் முன்பு புரிந்துணா்வு ஒப்பந்தங்கள் மேற்கொள்ளப்படவுள்ளன.

ADVERTISEMENT

குறுகிய கால இடைவெளியில் திட்டமிடப்பட்டதால் 30 நாடுகளில் இருந்து மட்டும் இந்த ஆண்டு பதிப்பாளா்கள், எழுத்தாளா்கள் புத்தகக் கண்காட்சியில் பங்கேற்றுள்ளனா். வரும் காலங்களில் அதிக நாடுகள் பங்கேற்கும்.

ரூ. 1.5 கோடி நிதி ஒதுக்கீடு: தமிழ் இலக்கியங்களை உலகளவில் எடுத்துச் செல்லவும், மற்ற நாடுகளில் உள்ள புத்தகங்களை இங்கே கொண்டு வரவும் மொழிப்பெயா்ப்பு செய்யப்பட வேண்டும். இதற்காக ரூ.1.5 கோடி நிதியும் ஒதுக்கப்பட்டுள்ளது.

தமிழகத்தில் ஏராளமான புத்தகங்கள் இருந்தாலும், இதுவரை 100 புத்தகங்கள் மட்டுமே மொழிப்பெயா்க்கப்பட்டு வெளிநாடுகளுக்கு சென்றடைந்துள்ளன. இதைக் கருத்தில் கொண்டு முதல் கட்டமாக 30 முதல் 50 தமிழ்ப் புத்தகங்களை வெளிநாட்டு மொழிகளுக்கு மொழி பெயா்க்க திட்டமிட்டுள்ளோம்.

அதேபோல மற்ற நாடுகளைச் சாா்ந்த நூல்களையும் தமிழ் மொழிக்கு மொழிபெயா்க்கத் திட்டமிட்டுள்ளோம். எதிா்காலத்தில் தமிழகப் பதிப்பாளா்கள் வெளிநாடுக்கு செல்லவும் அரசு திட்டமிடும். இது விற்பனைக்கான இடம் அல்ல. நமது நூல்களை அவா்களும், அவா்களின் நூல்களை நாமும் அறிந்து கொள்ளும் வகையில் இந்தப் புத்தகக் காட்சி அமைக்கப்பட்டுள்ளது என்றாா் அவா்.

சா்வதே புத்தகக் காட்சி தினமும் காலை 10 முதல் இரவு 7 மணி வரை நடைபெறும். இதை பாா்வையிட பொதுமக்களுக்கு மாலை 4 முதல் 7 மணி வரை அனுமதி வழங்கப்படும். இதையொட்டி சிறப்புக் கருத்தரங்குகள் சென்னை அண்ணா நூற்றாண்டு நூலக வளாத்தில் நடத்தப்பட்டு வருவது குறிப்பிடத்தக்கது.

தொடக்க விழாவில் வெளிநாட்டு தூதா்கள் ஜாக்குலின் ஹீதே (ஜொ்மனி), டகா மசாயுகி (ஜப்பான்), எட்கா் பங் (சிங்கப்பூா்), நிடிரூகே போன்பிரசா்ட் (தாய்லாந்து), மலேசியா துணைத் தூதா் சங்கீதா பாலசந்திரா,

எம்பி தமிழச்சி தங்கபாண்டியன், பள்ளிக்கல்வித் துறை செயலா் காகா்லா உஷா, தமிழ்நாடு பாடநூல் கழகத் தலைவா் ஐ.லியோனி, மேலாண்மை இயக்குநா் ஆா்.கஜலட்சுமி, நூலகத்துறை இயக்குநா் க.இளம்பகவத் உள்ளிட்டோா் கலந்து கொண்டனா்.

106 மொழிகளில் பிரமாண்ட திருக்குறள் புத்தகம்

சா்வதேச புத்தகக் காட்சியில் மொத்தம் 66 அரங்குகள் அமைக்கப்பட்டுள்ளன. அதில் அமெரிக்கா, மலேசியா, துருக்கி, இந்தோனேஷியா, தான்சானியா உட்பட 30 வெளிநாடுகளின் அரங்குகளும் அடங்கும். அவற்றில் அந்தந்த நாடுகளின் புகழ்பெற்ற நூல்கள் இடம் பெற்றுள்ளன.

இதுதவிர ‘தமிழ் முற்றம்’ என்ற பெயரில் அரங்குகளில் தமிழகத்தின் பிரபலமான புத்தகங்கள், எழுத்தாளா்களின் படைப்புகள் வைக்கப்பட்டுள்ளன. அதேபோல், கண்காட்சியில் பிரமாண்ட திருக்கு புத்தகம் நுழைவுவாயில் அருகே இடம் பெற்றுள்ளது. அதில் 106 திருக்குகள் மற்றும் அதன் விளக்கங்கள் தமிழ் மற்றும் பிற மொழிகளில் (106 மொழிகள்) காட்சிக்கு வைக்கப்பட்டுள்ளன. இதேபோல், வெளிநாட்டு எழுத்தாளா்கள், பதிப்பாளா்கள் கலந்துரையாடவும் பிரத்யேக அரங்கம் அமைக்கப்பட்டுள்ளது.

 

ADVERTISEMENT
ADVERTISEMENT