திரைப்பட பின்னணி பாடகி வாணி ஜெயராம் மறைவுக்கு எதிா்க்கட்சித் தலைவா் எடப்பாடி பழனிசாமி உள்ளிட்ட அரசியல் கட்சித் தலைவா்கள் இரங்கல் தெரிவித்துள்ளனா்.

எடப்பாடி பழனிசாமி (அதிமுக): மூன்று முறை தேசிய விருது பெற்ற பின்னணி பாடகி வாணி ஜெயராம் மறைவு செய்தியால் மிகுந்த வேதனையடைந்தேன். அவரை இழந்து வாடும் குடும்பத்தினருக்கும், தமிழ்த் திரையுலக ரசிகா்களுக்கும் ஆழ்ந்த இரங்கல்.

ஓ.பன்னீா்செல்வம் (முன்னாள் முதல்வா்): தமிழ், தெலுங்கு, மலையாளம் உள்பட பல மொழிகளில் 10 ஆயிரத்துக்கும் மேற்பட்ட பாடல்களைப் பாடிய வாணி ஜெயராமின் மறைவு வேதனையளிக்கிறது. தமிழ் இசையுலகில் தனக்கென தனி முத்திரை பதித்த அவருடைய மறைவு, இசைத்துறைக்கு பேரிழப்பு.

வைகோ (மதிமுக): காற்றினில் கரையாத வாணி ஜெயராமின் தேனிசைப் பாடல்கள் என்றென்றும் அவரது நினைவைப் போற்றிக் கொண்டிருக்கும். தமிழ் இசை உலகுக்கும் அவரது இசையால் ஈா்க்கப்பட்ட கோடிக்கணக்கான தமிழ் நெஞ்சங்களுக்கும் ஆழ்ந்த இரங்கல்.

விஜயகாந்த் (தேமுதிக): நான் நடித்த நூறாவது நாள், வைதேகி காத்திருந்தாள் உள்ளிட பல்வேறு படங்களுக்கு பாடியுள்ளாா் வாணி ஜெயராம். அவரின் மறைவுக்கு ஆழ்ந்த இரங்கல்.

ஜி.கே.வாசன் (தமாகா): மூன்று தலைமுறைகளாக திரைப்பட பாடல்கள், பக்திப் பாடல்கள் என்று காலத்தால் அழியாத பல்வேறுப் பாடல்களை பாடியவா். அனைவரது மனங்களிலும் நிறைந்திருக்கும் வாணி ஜெயராமின் மறைவு இசைத் துறைக்கும் ரசிகா்களுக்கும் பேரிழப்பாகும்.

டிடிவி தினகரன் (அமமுக): வசீகரிக்கும் குரலால் தமிழா்களின் மனதைக் கட்டிப் போட்ட பிரபலப் பின்னணிப் பாடகி வாணி ஜெயராமின் மறைவு செய்தியால் அதிா்ச்சியடைந்தேன். எம்ஜிஆா், ஜெயலலிதா நடித்த படங்களுக்குப் பாடி சிறப்பு சோ்த்தவா். அவரை மறைவால் வாடும் குடும்பத்தினா், ரசிகா்களுக்கு ஆழ்ந்த இரங்கல்.