சென்னை: பிற மாநிலங்களைச் சேர்ந்த ரயில்வே ஊழியர்களுக்கு மாநில மொழி தெரிந்திருக்க வேண்டியது அவசியம் என தெற்கு ரயில்வே பொது மேலாளர் ஆர்.என்.சிங் தெரிவித்துள்ளார்.
பல ரயில் நிலையங்களில் உள்ள டிக்கெட் கவுண்டர்களில் இருப்பவர்களுக்கு தமிழ் தெரிவதில்லை எனவும், இதனால் பயணிகளுக்கும் ரயில்வே ஊழியர்களுக்கும் இடையே அடிக்கடி ஏற்படும் வாக்குவாதங்கள் குறித்து செய்தியாளர்கள் சுட்டிக்காட்டினர். இதையடுத்து தெற்கு ரயில்வே பொதுமேலாளர் ஆர்.என். சிங் விளக்கம் அளித்தார்.
அப்போது, இனிமேல், தமிழ்நாட்டில் பணிபுரியும் “ரயில்வே ஊழியர்கள், டிக்கெட் வழங்குபவர்கள், பரிசோதர்கள் என ரயில்வே முன்கள ஊழியர்கள் பயணிகளுக்கு புரியும் மொழியில் பேச வேண்டும். பயணிகளுக்கு சிறப்பாக சேவை செய்ய, ரயில்வே பாதுகாப்புப் படை (ஆர்பிஎஃப்) பணியாளர்கள், வணிக எழுத்தர்கள், டிக்கெட் பரிசோதகர்கள், ஸ்டேஷன் மாஸ்டர்கள் உள்ளிட்ட பிற மாநிலங்களைச் சேர்ந்த, தமிழகத்தில் பணிபுரியும் ரயில்வே முன்கள ஊழியர்களுக்கு தமிழ்நாட்டில் தமிழிலும், கேரளத்தில் மலையாளத்திலும் உரையாட பயிற்சி அளிக்கப்படும்" என ஆர். என். சிங் வெள்ளிக்கிழமை தெரிவித்தார்.
மேலும், மத்திய பட்ஜெட்டில் 2023-24 ஆம் ஆண்டிற்கான ரயில்வே திட்டங்களுக்கு இதுவரை இல்லாத அளவுக்கு ரூ.6,080 கோடி ஒதுக்கப்பட்டுள்ளது என்று மத்திய ரயில்வே அமைச்சர் அஷ்வினி வைஷ்ணவ் தெரிவித்தார். வெள்ளிக்கிழமை புது தில்லியில் இருந்து விடியோ கான்பரன்சிங் மூலம் பட்ஜெட் ஒதுக்கீடு விவரங்களை தெரிவித்த வைஷ்ணவ், மேலும், பல ரயில் நிலையங்கள் உலகத் தரம் வாய்ந்த வசதிகளுடன் மேம்படுத்தப்படும் என்றார். கடந்த ஆண்டு ரயில்வே திட்டங்களுக்காக மாநிலத்துக்கு ரூ.3,865 கோடி ஒதுக்கப்பட்டது என தெரிவித்தார்.
இதையும் படிக்க | 1083 காலி பணியிடங்களுக்கான புதிய அறிவிப்பை வெளியிட்டது டிஎன்பிஎஸ்சி!
சிங் கூறுகையில், “சென்னை-எழும்பூர் (ரூ. 734.9 கோடி), காட்பாடி (ரூ. 329.32 கோடி), கன்னியாகுமரி (ரூ. 49.36 கோடி), மதுரை (ரூ. 347.48 கோடி), ராமேஸ்வரம் (ரூ. 90 கோடி) ஆகிய நகரங்களை மறுசீரமைப்பு செய்ய டெண்டர் விடப்பட்டு குடிமராமத்து பணிகள் தொடங்கப்பட்டுள்ளன. மற்றும் புதுச்சேரிக்கு (ரூ.72.1 கோடி) ரயில் நிலையங்கள். மேலும், கும்பகோணம், திருநெல்வேலி, தாம்பரம், சென்னை சென்ட்ரல், ஆவடி, கோயம்புத்தூர் ஆகிய ரயில் நிலையங்களின் மறுமேம்பாட்டிற்கான தொழில்நுட்ப-பொருளாதார ஆய்வு நடத்தப்பட்டு வருகிறது.
தமிழ்நாட்டிற்கு இரண்டாவது வந்தே பாரத் விரைவு ரயிலை அறிமுகப்படுத்துவது குறித்து, சென்னை-கோயம்புத்தூர் பிரிவில் இரண்டாவது வந்தே பாரத் ரயிலை அறிமுகப்படுத்த முன்மொழிந்ததாக கூறிய சிங், “சென்னை-ஜோலார்பேட்டையில் இருந்து செல்லும் பாதையின் வேகம் மே அல்லது ஜூன் மாதத்தில் மணிக்கு 130 கி.மீ. ஆக அதிகரிக்கப்படும். ஜோலார்பேட்டையைத் தாண்டி, கோவை வரை மணிக்கு 110 கிமீ வேகத்தில் ரயில்கள் இயக்கப்படும்,” என்றார்.
சமீபத்தில் இயக்கப்பட்ட தேனி-போடிநாயக்கனூர் இடையே புதிய ரயில்கள் அறிமுகம் செய்யப்பட்டது குறித்து கருத்து தெரிவித்த சிங், சென்னை-மதுரை வாராந்திர விரைவு ரயில்களை பிப்ரவரி 19 முதல் போடி வரை நீட்டிக்கும் முடிவு மதுரையில் பராமரிப்பு பணிகள் காரணமாக இரண்டு வாரங்களுக்கு ஒத்திவைக்கப்பட்டுள்ளது.
சென்னை கோட்ட ரயில்வே மேலாளர் கணேஷ் கூறியதாவது: இன்னும் சில மாதங்களில் புறநகர்ப் பிரிவுகளில் 12 பெட்டிகள் கொண்ட ரயில்களின் இரண்டு பெட்டிகள் சேர்க்கப்படும். சென்னை-அரக்கோணம் இடையே உள்ள புறநகர் ரயில்களின் ஒன்பது பெட்டிகள் அனைத்தும் செப்டம்பர் மாதத்திற்குள் 12 பெட்டிகளாக மாற்றப்படும். இதனால் மாலை நேரங்களில் சென்னை சென்ட்ரலில் இருந்து இயக்கப்படும் புறநகர் மற்றும் விரைவு ரயில்களில் கூட்ட நெரிசல் குறையும்,'' என்றார்.