சென்னையில் 22 கேரட் ஆபரணத் தங்கத்தின் விலை செவ்வாய்க்கிழமை பவுனுக்கு ரூ.328 குறைந்து ரூ.36,880-க்கும், கிராமுக்கு ரூ.41 குறைந்து ரூ.4,610-க்கும் விற்பனை செய்யப்பட்டது.
மேலும், ஒரு கிராம் வெள்ளி மாற்றமின்றி ரூ.67-க்கு விற்பனை செய்யப்பட்டது. ஒரு கிலோ வெள்ளி ரூ.67 ஆயிரத்துக்கு விற்பனையானது. தீபாவளி போன்ற பண்டிகை காலம் நெருங்கும் வேளையில் தங்கத்தின் விலை தொடா் சரிவை கண்டு வருவது இல்லத்தரசிகள் இடையே உற்சாகத்தை ஏற்படுத்தியுள்ளது.
நீண்ட நாள்களுக்குப் பிறகு தங்கத்தின் விலை ரூ.37 ஆயிரத்துக்கு கீழ் குறைந்துள்ளது. அதன்விலை மேலும் குறைய வாய்ப்பிருப்பதாகக் கூறப்படுகிறது.