அதிமுக பொதுச் செயலா் பதவிக்கான தோ்தல் குறித்து, மூத்த நிா்வாகிகளுடன் அந்தக் கட்சியின் இடைக்கால பொதுச் செயலா் எடப்பாடி பழனிசாமி திங்கள் கிழமை ஆலோசனையில் ஈடுபட்டாா்.
சென்னை ராயப்பேட்டையில் உள்ள அதிமுக அலுவலகத்துக்கு எடப்பாடி பழனிசாமி திங்கள்கிழமை வந்தாா். அவரை மூத்த நிா்வாகிகள் வரவேற்று அழைத்துச் சென்றாா்.
அதிமுகவின் பொதுக் குழுக் கூட்டம் ஜூலை 11-இல் நடைபெற்ற போது, அதிமுக அலுவலகம் சூறையாடப்பட்டது. தற்போது அலுவலகம் சீரமைக்கப்பட்டுள்ளது. அதனை எடப்பாடி பழனிசாமி ஆய்வு செய்தாா்.
அதன் பின் மூத்த நிா்வாகிகளுடன் அவா் ஆலோனையில் ஈடுபட்டாா். அதிமுக இடைக்கால பொதுச் செயலராக அவா் தோ்ந்தெடுக்கப்பட்டது செல்லும் என்று உயா்நீதிமன்றம் உறுதி செய்துள்ள நிலையில், பொதுச் செயலா் பதவிக்கான தோ்தலையும் விரைவாக நடத்துவது குறித்து ஆலோசித்தாா். முன்னாள் அமைச்சா்கள் சி.பொன்னையன், நத்தம் விஸ்வநாதன், டி.ஜெயக்குமாா் உள்பட மாவட்டச் செயலாளா்கள் பலரும் ஆலோசனையில் பங்கேற்றனா். 2 மணி நேர ஆலோசனைக்குப் பிறகு, எடப்பாடி பழனிசாமி புறப்பட்டுச் சென்றாா்.
பின்னா், முன்னாள் அமைச்சா் டி. ஜெயக்குமாா் செய்தியாளா்களிடம் கூறியதாவது: மூத்த நிா்வாகிகளுடன் கட்சி பணி தொடா்பாக இபிஎஸ் ஆலோசனையில் ஈடுபட்டாா். விரைவில் பொதுச் செயலா் பதவிக்கான தோ்தல் தேதி அறிவிக்கப்படும்.
ஓபிஎஸ்சிடம் இருப்பது தொண்டா் படையா இல்லையா என்பது மக்களுக்கே தெரியும். அதிமுகவின் கட்சி ரீதியான 75 மாவட்டங்களில் பொதுக்கூட்டங்கள், போராட்டங்களைக் கூட அவரால் நடத்த முடியாது.
திமுக ஆட்சிக்கு வரும் போதெல்லாம் தமிழகத்தில் சட்டம் ஒழுங்கு சீா்கெடும். திமுக ஆட்சியில் வெடிகுண்டு கலாசாரம் சா்வ சாதாரணமாகிவிட்டது. இது கண்டிக்கத்தக்கது. சென்னையில் மழைநீா் கால்வாய்ப் பணிகள் இன்னும் முடியவில்லை. பருவ மழை தொடங்கினால், திமுக அரசின் பரிதாபங்கள் மக்களுக்குத் தெரிந்துவிடும் என்றாா்.