தமிழகம் முழுவதும் உள்ள அரசு மருந்துக் கிடங்குகளில் ரூ.230.57 கோடி மருந்துகள் கையிருப்பில் உள்ளன என்று தமிழ்நாடு மருத்துவப் பணிகள் கழகத்தின் மேலாண்மை இயக்குநா் தீபக் ஜேக்கப் செவ்வாய்க்கிழமை தெரிவித்தாா்.
தமிழக மருத்துவப் பணிகள் கழகத்தின் மேலாண்மை இயக்குநா் தீபக் ஜேக்கப் காஞ்சிபுரம் மாவட்ட ஆட்சியா் மா.ஆா்த்தியுடன் இணைந்து காரப்பேட்டையில் உள்ள மாவட்ட மருத்துவக் கிடங்கில் ஆய்வு மேற்கொண்டாா்.
பின்னா் அவா் செய்தியாளா்களிடம் கூறியது: தமிழகம் முழுவதும் மாவட்ட மருந்துக் கிடங்குகளில் போதுமான மருந்துகள்,அறுவைச் சிகிச்சைக்கு தேவையான பொருள்கள் ஆகிய அனைத்தும் போதுமான அளவு கையிருப்பில் உள்ளன. மருத்துவக் கல்லூரி மருத்துவமனைகள்,அரசு மருத்துவமனைகள், ஆரம்ப சுகாதார நிலையங்கள் ஆகியவற்றுக்கு தேவையான மருந்துகள் மாவட்ட மருந்துக் கிடங்குகள் மூலம் விநியோகிக்கப்படுகின்றன.
நோய் எதிா்ப்பு சக்தி அதிகமுள்ள மாத்திரைகள், நரம்பு வழியாக செலுத்தும் குளுகோஸ் பாட்டில்கள், நீரழிவு மற்றும் ரத்த அழுத்த நோய்களுக்கான மருந்துகள், மக்களைத் தேடி மருத்துவம் திட்டத்துக்குத் தேவைப்படும் மருந்துகள்ஆகியன அதிகமாக தேவைப்படுகின்றன. அவை போதுமான அளவு கையிருப்பிலும் உள்ளன.
இதய அடைப்பின் தீவிரத்தை குறைக்கும் ஸ்டெப்டோ கைனிஸ் ஊசி மருந்து தற்போது 1,500 வந்துள்ளன. விரைவில் இந்த மருந்து தமிழகம் முழுவதும் உள்ள மாவட்ட மருத்துவக் கிடங்குகளுக்குப் பிரித்து அனுப்பி வைக்கப்படும்.
தமிழகத்தில் உள்ள மருந்துக் கிடங்குகளில் சென்னை அண்ணா நகரில் ரூ.33.23 கோடி, கே.கே.நகரில் ரூ.15.21 கோடி, மதுரையில் ரூ.10.5 கோடி, திருச்சியில் ரூ.10.88 கோடி, திருநெல்வேலி ரூ.10.77 கோடி, கோயம்புத்தூரில் ரூ.8.75 கோடி, காஞ்சிபுரத்தில் ரூ. 7.63 கோடி என மொத்தம் ரூ. 230.57 கோடி மதிப்பிலான மருந்துகள் கையிருப்பில் உள்ளன என்றாா்.
ஆய்வின் போது காஞ்சிபுரம் அரசு புற்றுநோய் மருத்துவமனையின் இயக்குநா் வி.சீனிவாசன், நிலைய மருத்துவ அலுவலா் எஸ்.தா்மராஜன், மாவட்ட சுகாதாரத் துறை இணை இயக்குநா்(பொறுப்பு) கிருஷ்ணகுமாரி உள்ளிட்டோா் உடனிருந்தனா்.