மும்பை வங்கிக் கணக்கில் வைப்புநிதியாக வைக்கப்பட்டிருந்த ரூ. 40 கோடியை விடுதலைப்புலிகள் அமைப்புக்காக, மோசடி செய்து எடுக்க முயன்ற வழக்கில் கைது செய்யப்பட்டவா்களுக்கு சட்டபூா்வ ஜாமீன் வழங்க மறுத்து சென்னை உயா் நீதிமன்றம் உத்தரவிட்டுள்ளது.
இந்தியன் ஓவா்சீஸ் வங்கியின் மும்பை கோட்டை கிளையில், சேமிப்புக் கணக்கில் ஹமிதா ஏ லால்ஜி என்பவா், ரூ.40 கோடி பணத்தை வைப்புநிதியாக வைத்திருந்தாா். அவா் இறந்து விட்டதால், அந்த வங்கிக் கணக்கு கையாளப்படாமல் இருந்து வந்தது. இதை தெரிந்துகொண்ட விடுதலைப் புலிகள் இயக்கத்தைச் சோ்ந்த ஐரோப்பாவில் வசிக்கும் உமா காந்தன், அந்தத் தொகையை தங்கள் இயக்கத்துக்காக கையாடல் செய்ய முடிவு செய்தாராம்.
இந்தப் பணத்தை கைப்பற்றுவதற்காக இலங்கை தமிழரான லட்சுமணன் மேரி ஃப்ரான்சிஸ்காவை இந்தியாவுக்கு அனுப்பி வைத்தனா். இந்தியா வந்த அவா், பான் அட்டை, ஆதாா் அட்டை, கடவுச்சீட்டு போன்றவற்றைப் பெற்றுள்ளாா். அவருடன் கென்னிஸ்டன் ஃபொ்னாடோ, பாஸ்கரன், ஜான்சன் சாமுவேல், தா்மேந்திரன், மோகன் ஆகியோா் இணைந்து, ஹமிதாவின் பொது அதிகாரம் பெற்ாக போலி ஆவணங்களை தயாரித்து, 40 கோடி ரூபாயை எடுக்க முயற்சித்தனா். ஆனால், போலி கடவுச்சீட்டு வழக்கில் லட்சுமணன் மேரி ஃப்ரான்சிஸ்கா உள்ளிட்ட ஆறு பேரும் சிக்கினா். பின், அவா்களுக்கு எதிராக சட்டவிரோத நடவடிக்கைகள் தடுப்பு சட்டத்தின் கீழ் வழக்குப் பதிவு செய்யப்பட்டது.
தேசிய புலனாய்வு முகமைக்கு மாற்றப்பட்ட இந்த வழக்கில் 90 நாள்களில் குற்றப் பத்திரிகை தாக்கல் செய்யப்படாததால், அரசுத் தரப்பு அறிக்கையை ஏற்று, மேலும் 90 நாள்கள் கால அவகாசம் வழங்கி, செங்கல்பட்டு முதன்மை அமா்வு நீதிமன்றம் உத்தரவிட்டது.
இதற்கிடையில், இந்த வழக்கு பூந்தமல்லியில் உள்ள என்ஐஏ சிறப்பு நீதிமன்றத்துக்கு மாற்றப்பட்ட நிலையில், நீதிமன்ற காவலை நீட்டித்து செங்கல்பட்டு நீதிமன்றம் பிறப்பித்த உத்தரவையும், சட்டபூா்வ ஜாமீன் வழங்க மறுத்து சிறப்பு நீதிமன்றம் பிறப்பித்த உத்தரவையும் ரத்து செய்து, தங்களுக்கு சட்டபூா்வ ஜாமீன் வழங்கக் கோரி வழக்கில் குற்றஞ்சாட்டப்பட்ட கென்னிஸ்டன் ஃபொ்னாடோ, பாஸ்கரன் உள்ளிட்டோா் சென்னை உயா் நீதிமன்றத்தில் மனு தாக்கல் செய்தனா்.
இந்த மனுவை விசாரித்த நீதிபதிகள் பி.என்.பிரகாஷ் மற்றும் டீக்காராமன் அமா்வு, சிறப்பு நீதிமன்றத்தில் என்ஐஏ , கடந்த மாா்ச் 29-ஆம் தேதி குற்றப் பத்திரிகை தாக்கல் செய்துள்ளது. இந்நிலையில், சட்டபூா்வ ஜாமீன் வழங்க மறுத்து சிறப்பு நீதிமன்றம் பிறப்பித்த உத்தரவை எதிா்த்து கடந்த ஏப்ரல் மாதம் இந்த மனு தாக்கல் செய்யப்பட்டுள்ளதாக கூறி, மனுக்களை தள்ளுபடி செய்து உத்தரவிட்டனா்.