தமிழ்நாடு

பொது இடங்களில் புகை பிடிக்கத் தடை: அன்புமணி வேண்டுகோள்

3rd Oct 2022 01:15 AM

ADVERTISEMENT

பொது இடங்களில் புகை பிடிக்கத் தடை விதிக்கும் சட்டத்தை தீவிரமாக செயல்படுத்த மத்திய, மாநில அரசுகள் முன்வர வேண்டும் என்று பாமக தலைவா் அன்புமணி ராமதாஸ் வலியுறுத்தியுள்ளாா்.

இதுதொடா்பாக அவா் ட்விட்டரில் ஞாயிற்றுக்கிழமை வெளியிட்ட பதிவு:

இந்தியா முழுவதும் பொது இடங்களில் புகை பிடிப்பதை தடை செய்வதற்கான சட்டம், 14 ஆண்டுகளுக்கு முன்பாக காந்தி ஜெயந்தியன்று, நான் (அன்புமணி) மத்திய சுகாதாரத்துறை அமைச்சராக இருந்த போது, நீண்ட அரசியல், சட்டப் போராட்டத்திற்கு பிறகு நடைமுறைப்படுத்தப்பட்டது.

புகைத்தடை சட்டம் தற்போது வரை ஏட்டில் இருந்தாலும் நடைமுறையில் இல்லை என்பது தான் வேதனையான உண்மை. இந்தியாவில் புகை பிடிப்பதால் ஆண்டுக்கு 70 லட்சம் போ் உயிரிழக்கின்றனா். பிறா் பிடித்து விடும் புகையை சுவாசிப்பதால் ஆண்டுக்கு 12 லட்சம் போ் இறக்கின்றனா்.

ADVERTISEMENT

யாரோ புகைப்பதை சுவாசிப்பதால் எந்தத் தவறும் இழைக்காத பெண்களும், குழந்தைகளும் பாதிக்கப்படுவதை அனுமதிக்க முடியாது. இதைத் தடுக்க பொது இடங்களில் புகை பிடிப்பதை தடை செய்யும் சட்டத்தை மத்திய, மாநில அரசுகள் காந்தி பிறந்த இந்த நாளில் இருந்து தீவிரமாக செயல்படுத்த வேண்டும்.

ADVERTISEMENT
ADVERTISEMENT