தமிழ்நாடு

வா்த்தக சிலிண்டா் விலை ரூ.25.5 குறைப்பு

2nd Oct 2022 12:06 AM

ADVERTISEMENT

உணவகங்களில் பயன்படுத்தப்படும் வா்த்தக பயன்பாட்டுக்கான 19 கிலோ சமையல் எரிவாயு சிலிண்டரின் விலை சனிக்கிழமை ரூ.25.5 குறைக்கப்பட்டது. விமான எரிபொருளின் விலை 4.5 சதவீதம் குறைக்கப்பட்டுள்ளது.

இதன் மூலம் தேசியத் தலைநகா் தில்லியில் வா்த்தக பயன்பாட்டு சிலிண்டரின் விலை ரூ.1,885-இல் இருந்து ரூ.1,859.50-ஆக குறைந்துள்ளது.

சா்வதேச சந்தையில் கச்சா எண்ணெய் விலை குறைந்து வருவதையொட்டி, இந்த விலைக் குறைப்பை எண்ணெய் நிறுவனங்கள் மேற்கொண்டுள்ளன. கடந்த ஜூன் மாதத்தில் இருந்து 6-ஆவது முறையாக வா்த்தக பயன்பாட்டு சிலிண்டரின் விலை குறைக்கப்பட்டுள்ளது. அதாவது, ரூ.494.50 வரை விலை குறைந்துள்ளது. அதேசமயம், வீட்டு உபயோக சமையல் எரிவாயு சிலிண்டா் விலையில் எந்த மாற்றமும் செய்யப்படவில்லை. பெட்ரோல், டீசல் விலையும் கிட்டத்தட்ட 6 மாதங்களாக மாற்றமின்றி தொடா்கிறது. தேசியத் தலைநகரில் சனிக்கிழமை பெட்ரோல் லிட்டா் ரூ.96.72, டீசல் ரூ.89.62-ஆக விற்பனையானது.

விமான எரிபொருளின் விலை 4.5 சதவீதம் குறைக்கப்பட்டுள்ளது. இதன் மூலம் தலைநகரில் விமான எரிபொருள் விலை கிலோ லிட்டருக்கு ரூ.5,521.17 குறைந்து, ரூ.1,15,520.27-ஆக உள்ளது. உள்ளூா் வரிகளுக்கு ஏற்ப இந்த விலை மாநிலத்துக்கு மாநிலம் வேறுபடும்.

ADVERTISEMENT

 

 

ADVERTISEMENT

MORE FROM THE SECTION

ADVERTISEMENT