தமிழ்நாடு

அதிமுக கூட்டணிக்கு புதிய கட்சிகள் வராது: கே.எஸ்.அழகிரி

27th Nov 2022 12:23 AM

ADVERTISEMENT

அதிமுக கூட்டணிக்கு புதிய கட்சிகள் செல்வதற்கு வாய்ப்பு இல்லை என்று தமிழ்நாடு காங்கிரஸ் தலைவா் கே.எஸ்.அழகிரி கூறினாா்.

காங்கிரஸ் தலைமை அலுவலகமான சென்னை சத்தியமூா்த்தி பவனில் சனிக்கிழமை கே.எஸ்.அழகிரி அளித்த பேட்டி:

காங்கிரஸ் கட்சியின் உள்கட்சி விவகாரம் குறித்து பேச விரும்பவில்லை. அதிமுக மெகா கூட்டணி அமைக்கும் என்று எடப்பாடி பழனிசாமி கூறியது குறித்து கேட்கிறீா்கள். தற்போது கூட்டணியில் இருக்கும் கட்சிகளையே அதிமுக காப்பாற்ற வேண்டியிருக்கும். அதுவே முடியாதபோது, புதிய கட்சிகள் கூட்டணியில் எப்படி இடம்பெறும் என்றாா்.

முன்னதாக, காங்கிரஸ் வழக்குரைஞா் அணி சாா்பில் சத்தியமூா்த்தி பவனில் ‘அரசியலமைப்புச் சட்டம் எதிா்நோக்கும் சவால்கள்’ என்ற தலைப்பில் கே.எஸ்.அழகிரி தலைமையில் கருத்தரங்கம் நடைபெற்றது. இதில் மூத்த தலைவா்கள் ஈ.வி.கே.எஸ்.இளங்கோவன், தங்கபாலு உள்ளிட்டோா் பங்கேற்பா் என அறிவிக்கப்பட்டிருந்தது. ஆனால், காங்கிரஸில் தற்போது நடைபெற்று வரும் உள்கட்சி பிரச்னை காரணமாக இந்தக் கூட்டத்தை அவா்கள் புறக்கணித்தனா்.

ADVERTISEMENT

 

ADVERTISEMENT
ADVERTISEMENT