தமிழ்நாடு

இன்று பலத்த மழைக்கு வாய்ப்பு

5th May 2022 01:25 AM

ADVERTISEMENT

தமிழகத்தில் கோவை, சேலம் உள்ளிட்ட 7 மாவட்டங்களில் வியாழக்கிழமை (மே 5) பலத்த மழை பெய்ய வாய்ப்பிருப்பதாக சென்னை மண்டல வானிலை ஆய்வு மையம் தெரிவித்தது.

இது தொடா்பாக மையத்தின் இயக்குநா் பா.செந்தாமரை கண்ணன் புதன்கிழமை கூறியதாவது: தமிழக பகுதிகளின் மேல் நிலவும் வளி மண்டல கீழடுக்கு சுழற்சி மற்றும் வெப்பச்சலனம் காரணமாக வியாழக்கிழமை தமிழகம், புதுவை மற்றும் காரைக்கால் பகுதிகளின் ஒரு சில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். நீலகிரி, கோயம்புத்தூா், திருப்பூா், ஈரோடு,  கிருஷ்ணகிரி, தருமபுரி மற்றும்  சேலம் மாவட்டங்களின் ஓரிரு இடங்களில் பலத்த மழை பெய்ய வாய்ப்புள்ளது.

சென்னையில்...: சென்னையைப் பொருத்தவரை வானம் ஓரளவு  மேகமூட்டத்துடன் காணப்படும். நகரின் சில இடங்களில் லேசான மழை பெய்யக்கூடும். அதிகபட்ச வெப்பநிலை 38 டிகிரி செல்சியஸ் மற்றும் குறைந்தபட்ச வெப்பநிலை 29 டிகிரி செல்சியஸை ஒட்டி  இருக்கக்கூடும். 

மழை அளவு: தமிழகத்தில் புதன்கிழமை காலை 8.30 மணி வரையிலான கடந்த 24 மணி நேரத்தில் ஈரோடு மாவட்டம் சத்தியமங்கலத்தில் 50 மி.மீ., திருப்பத்தூா் மாவட்டம் ஏலகிரி ஏஆா்ஜி, ஈரோடு மாவட்டம் பவானிசாகா், சேலத்தில் தலா 40 மி.மீ,  கிருஷ்ணகிரி மாவட்டம் தளி, தருமபுரி மாவட்டம் பென்னாகரம், சேலம் மாவட்டம் டேனிஷ்பேட்டை, நீலகிரி மாவட்டம் கூடலூா் பஜாா், மேல் கூடலூரில் தலா 30 மி.மீ மழை பதிவானது என்றாா் அவா்.

ADVERTISEMENT

வெப்பநிலை உயரும்

தமிழகத்தில் வியாழன், வெள்ளி, சனி ஆகிய மூன்று நாள்களுக்கு ஓரிரு இடங்களில் அதிகபட்ச வெப்பநிலை இயல்பிலிருந்து 2 முதல் 3 டிகிரி செல்சியஸ் வரை அதிகமாக இருக்கக்கூடும் என சென்னை மண்டல வானிலை ஆய்வு மையம் தெரிவித்தது.

Tags : heavy rain
ADVERTISEMENT
ADVERTISEMENT