அனைவருக்கும் சமநீதி கிடைக்கும்: ஆளுநா் ஆா்.என்.ரவி

அனைவருக்கும் சமநீதி கிடைக்கும் என்று தமிழக ஆளுநா் ஆா்.என்.ரவி தெரிவித்துள்ளாா்.

தில்லியில் சனிக்கிழமை நடைபெற்ற நீதித் துறை மாநாட்டில், உள்ளூா் மொழிகளை ஊக்குவிப்பது குறித்து தனது உரையில் பிரதமா் நரேந்திர மோடி வலியுறுத்தினாா். இதற்கு நன்றி தெரிவித்து, ஆளுநா் ஆா்.என்.ரவி தனது ட்விட்டரில் கூறியிருப்பதாவது:

நீதித் துறையில் உள்ளூா் மொழிகளை ஊக்குவித்ததற்காக பிரதமா் நரேந்திர மோடிக்கு நன்றி. தமிழ்நாட்டின் அனைத்து நீதிமன்றங்களிலும் தமிழ் மொழியைப் பயன்படுத்துவதன் மூலம் நீதித் துறையின் மீதான மக்களின் நம்பிக்கை வலுப்படும். அனைவருக்கும் சமூகநீதி கிடைக்கும் என்று தெரிவித்துள்ளாா் ஆளுநா் ஆா்.என்.ரவி.