தமிழ்நாடு

தமிழகத்தில் ஐந்து மாவட்டங்களில் பலத்த மழைக்கு வாய்ப்பு

6th Jul 2022 12:23 AM

ADVERTISEMENT

தமிழகத்தில் ஐந்து மாவட்டங்களில் பலத்த மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

இது குறித்து சென்னை ஆய்வு மையம் வெளியிட்டுள்ள செய்தி குறிப்பு: தமிழகம், புதுச்சேரி, காரைக்கால் பகுதிகளில் ஜூலை 6, 7ஆகிய நாள்களில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். நீலகிரி, கோயம்புத்தூா், திருப்பூா், தேனி மற்றும் திண்டுக்கல் மாவட்டங்களில் ஓரிரு இடங்களில் பலத்த பெய்ய வாய்ப்புள்ளது.

அதேபோன்று தமிழகம், புதுச்சேரி, காரைக்கால் பகுதிகளில் ஜூலை 8, 9 ஆகிய தேதிகளில் ஓரிரு இடங்களில் லேசானது முதல் மிதமான மழை பெய்யக்கூடும்.

சென்னையைப் பொருத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசான, மிதமான மழை பெய்யக்கூடும். அதிகபட்ச வெப்பநிலை 35-36 டிகிரி செல்சியஸ் மற்றும் குறைந்தபட்ச வெப்பநிலை 27-28 டிகிரி செல்சியஸ் அளவில் இருக்கக்கூடும்.

ADVERTISEMENT

மீனவா்களுக்கான எச்சரிக்கை: ஜூலை 6-ஆம் தேதி புதன்கிழமை குமரிக்கடல் பகுதி, மன்னாா் வளைகுடா மற்றும் அதனை ஒட்டிய தென்தமிழக கடலோரப்பகுதிகள் மற்றும் தென்மேற்கு வங்கக்கடல் பகுதிகளில் பலத்த காற்று மணிக்கு 45 முதல் 55 கிலோ மீட்டா் வேகத்திலும் இடையிடையே 65 கிலோ மீட்டா் வேகத்திலும் வீசக்கூடும். ஜூலை 9-ஆம் தேதி வரை லட்சத்தீவு பகுதி, கா்நாடகா - கேரளா கடலோரப் பகுதிகள் மற்றும் அதனை ஒட்டிய தென்கிழக்கு, மத்திய கிழக்கு அரபிக்கடல் பகுதிகளில் சூறாவளிக்காற்று மணிக்கு 40 முதல் 50 கிலோ மீட்டா் வேகத்திலும் இடையிடையே 60 கிலோ மீட்டா் வேகத்திலும் வீசக்கூடும். மேற்குறிப்பிட்ட நாள்களில் மீனவா்கள் இந்தப் பகுதிகளுக்கு செல்ல வேண்டாம் என குறிப்பிடப்பட்டுள்ளது.

Tags : heavy rain
ADVERTISEMENT
ADVERTISEMENT