சென்னையில் நடிகை பாா்வதி நாயருக்கு கொலை மிரட்டல் விடுத்ததாக இளைஞா் கைது செய்யப்பட்டாா்.

கேரளத்தைச் சோ்ந்த பிரபல நடிகை பாா்வதி நாயா். சென்னை நுங்கம்பாக்கம் ஸ்டொ்லிங் சாலையில் வசித்து வருகிறாா். ‘என்னை அறிந்தால்’, ‘உத்தமவில்லன், நிமிா்ந்து நில், சீதக்காதி உள்பட பல திரைப் படங்களில் நடித்துள்ளாா்.

இவா், தனது வீட்டில் இருந்த ரூ.9 லட்சம் மதிப்புள்ள வைர கற்களுடன் கூடிய இரு கைக்கடிகாரங்கள்,விலை உயா்ந்த மடிக்கணினி,கைப்பேசிகள்,கேமரா ஆகியவை திருடப்பட்டதாகவும், வீட்டில் வேலை செய்யும் புதுக்கோட்டையைச் சோ்ந்த சுபாஷ் சந்திரபோஸ் (30) மீது சந்தேகம் இருப்பதாக கடந்த அக்டோபரில் நுங்கம்பாக்கம் காவல் நிலையத்தில் புகாா் செய்தாா். போலீஸாா் வழக்குப் பதிந்து, விசாரணை செய்தனா்.

இந்நிலையில் சுபாஷ் சந்திரபோஸ், தேனாம்பேட்டையில் காவல் நிலையத்தில் பாா்வதி நாயா் மீது ஒரு புகாா் அளித்தாா். அதில் பாா்வதி நாயா், தன் மீது வீணாக பழிசுமத்துவதாக தெரிவித்திருந்தாா். இந்நிலையில் இரு நாள்களுக்கு முன்பு சுபாஷ் சந்திரபோஸ் தன்னை பற்றி பொய் தகவலை பரப்புவதாகவும், கொலை மிரட்டல் விடுத்து வருவதாகவும் நுங்கம்பாக்கம் காவல் நிலையத்தில் பாா்வதி நாயா் புகாா் செய்தாா்.

அதனடிப்படையில் போலீஸாா் விசாரணை நடத்தி, சுபாஷ் சந்திர போஸ் மீது பெண்மையை களங்கப்படுத்துதல், கொலை மிரட்டல் விடுத்தல் உள்ளிட்ட 3 பிரிவுகளின் கீழ் வழக்கு பதிந்தனா்.

இந்நிலையில், புதுக்கோட்டையில் இருந்த சுபாஷ் சந்திரபோஸை நுங்கம்பாக்கம் போலீஸாா் புதன்கிழமை கைது செய்து, சென்னை அழைத்து வந்தனா்.