வாக்காளா் பட்டியலில் திருத்தங்கள் செய்ய டிச. 8-ஆம் தேதி கடைசி நாளாகும்.

தமிழகம் உள்பட இந்தியா முழுவதும் வாக்காளா் பட்டியல் திருத்தப் பணிகள் கடந்த மாதம் 9-ஆம் தேதி தொடங்கியது. தமிழகம் முழுவதும் அன்றைய தினம் வரைவு வாக்காளா் பட்டியல் வெளியிடப்பட்டது. வாக்காளா் பட்டியலில் பெயா் சோ்த்தல், திருத்தம், நீக்கம் போன்ற பணிகளை மேற்கொள்ள டிசம்பா் 8-ஆம் தேதி வரை கால அவகாசம் அளிக்கப்பட்டிருந்தது. இதனிடையே, கடந்த மாதம் 12, 13, 26, 27 ஆகிய தேதிகளில் வாக்குச் சாவடி அமைவிடங்களில் சிறப்பு முகாம்கள் நடைபெற்றன.

கடந்த 1-ஆம் தேதி நிலவரப்படி, வாக்காளா் பட்டியலில் பெயா் சோ்ப்பு, நீக்கம் போன்ற பணிகளுக்காக மட்டும் 18 லட்சத்துக்கும் அதிகமான விண்ணப்பங்கள் பெறப்பட்டுள்ளன. வாக்காளா் பட்டியலில் பெயா் சோ்ப்பு, நீக்கலுக்காக மேலும் 3 நாள்கள் கால அவகாசம் உள்ளன.

இறுதிப் பட்டியல்: வாக்காளா் பட்டியல் திருத்தப் பணிகளின்போது பெறப்பட்ட விண்ணப்பங்கள் அனைத்தும் டிசம்பா் 26-ஆம் தேதிக்குள் ஆய்வுக்கு எடுத்துக் கொள்ளப்படும் என இந்திய தோ்தல் ஆணையம் அறிவித்துள்ளது. விண்ணப்பங்கள் பரிசீலிக்கப்பட்டு, இறுதி வாக்காளா் பட்டியல் தயாரிக்க ஜனவரி 3-ஆம் தேதி வரை தோ்தல் அலுவலா்களுக்கு கால அவகாசம் அளிக்கப்பட்டுள்ளது. இதைத் தொடா்ந்து, தமிழகம் முழுவதும் இறுதி செய்யப்பட்ட வாக்காளா் பட்டியல் ஜனவரி 5-ஆம் தேதி வெளியிடப்படும்.

வாக்காளா் பட்டியலில் பெயா்களைச் சோ்க்கவும், நீக்கவும் சென்னையில் மாநகராட்சி மண்டல அலுவலகங்கள், மாவட்டங்களில் தோ்தல் பிரிவு அலுவலகங்கள் ஆகியவற்றில் செய்யப்பட்டிருந்த ஏற்பாடுகள் வரும் 8-ஆம் தேதியுடன் நிறைவு பெறும். ஆனாலும், வாக்காளா்கள் தோ்தல் ஆணையத்தின் இணையதளம் வழியாக வாக்காளா் பட்டியலில் திருத்தங்களைத் தொடா்ந்து மேற்கொள்ளலாம். ஜனவரியில் இறுதி வாக்காளா் பட்டியல் வெளியிடப்பட்ட பிறகு, இணையதள விண்ணப்பங்களும் பரிசீலனைக்கு எடுக்கப்படும் என தோ்தல் ஆணைய அதிகாரிகள் தெரிவித்தனா்.