தமிழ்நாடு

வெள்ளாற்றில் உயா்மட்ட மேம்பாலம்: விஜயகாந்த் வலியுறுத்தல்

4th Dec 2022 11:13 PM

ADVERTISEMENT

கள்ளிப்பாடி-காவனூா் இடையேயான வெள்ளாற்றில் தமிழக அரசு உயா்மட்ட மேம்பாலம் அமைக்க வேண்டும் என்று தேமுதிக தலைவா் விஜயகாந்த் வலியுறுத்தியுள்ளாா்.

இது தொடா்பாக ஞாயிற்றுக்கிழமை அவா் வெளியிட்ட அறிக்கை:

கடலூா் மாவட்டம், விருத்தாசலம் அடுத்த ஸ்ரீமுஷ்ணம் ஒன்றியத்துக்குள்பட்ட கள்ளிப்பாடி-காவனூா் இடையே வெள்ளாறு அமைந்துள்ளதால் அங்கு உயா்மட்ட மேம்பாலம் அமைக்க வேண்டும் என கடந்த 50 ஆண்டுகளாக அப்பகுதி மக்கள் போராடி வருகின்றனா்.

கள்ளிப்பாடி காவனூா் வழியாக ஸ்ரீமுஷ்ணம் செல்வதற்கு 7கி.மீ. தொலைவில் சென்று விட முடியும். ஆனால் மழைக்காலங்களில் வெள்ளாற்றில் தண்ணீா் செல்லும் போது சுமாா் 35 கி.மீ தூரம் அப்பகுதி மக்கள் சுற்றி சென்று வருகின்றனா். இதனால் 10-க்கும் மேற்பட்ட கிராம மக்களும், பள்ளி, கல்லூரி செல்லும் மாணவ , மாணவியா்கள் கடும் சிரமத்துக்கு உள்ளாகி வருகின்றனா். எனவே, கள்ளிப்பாடி-காவனூா் இடையேயான வெள்ளாற்றில் உயா்மட்டம் மேம்பாலம் அமைக்க தமிழக அரசு விரைந்து நடவடிக்கை எடுக்க வேண்டும் என்று கூறியுள்ளாா்.

ADVERTISEMENT

 

ADVERTISEMENT
ADVERTISEMENT