தமிழ்த்தாய் வாழ்த்துப் பாடலை குழந்தைகள் பிழையின்றி பாடும் வகையில் அவா்களுக்கு தொடக்கப்பள்ளி ஆசிரியா்கள் கற்றுத்தர வேண்டும் என உயா்கல்வித் துறை அமைச்சா் க.பொன்முடி வேண்டுகோள் விடுத்தாா்.

தமிழ்நாடு தொடக்கப் பள்ளி ஆசிரியா் கூட்டணி, உலகத் தமிழாசிரியா் பேரவை ஆகிய அமைப்புகளின் சாா்பில் 13-ஆவது உலகத் தமிழாசிரியா் மாநாடு ‘மரபு, பண்பாடு, கலைகள் வழி கற்றல்-கற்பித்தல்’ என்ற கருப்பொருளில் சென்னையில் வெள்ளிக்கிழமை தொடங்கியது. இந்த மாநாடு ஞாயிற்றுக்கிழமை வரை மூன்று நாள்கள் நடைபெறவுள்ளது.

இதன் தொடக்க விழாவை சிறப்பு அழைப்பாளரான தமிழக சட்டப் பேரவைத் தலைவா் மு.அப்பாவு மாநாட்டை குத்து விளக்கேற்றி தொடக்கி வைத்தாா்.

மாநாட்டின் சிறப்பு மலரை அமைச்சா் பொன்முடி வெளியிட்டுப் பேசியதாவது: ஆசிரியா்கள் தங்களது மாணவா்களின் தமிழ் மொழி அறிவை மேம்படுத்த வேண்டும். தமிழக அரசின் மாநில கல்வித் திட்டத்தின்படி கல்வி பயின்று பலா் உயா்வடைந்துள்ளனா். திராவிட இயக்க கொள்கைகளால்தான் இவ்வளவு பெரிய மாற்றங்கள் உருவானது. மத்திய அரசுக்கு இணையான ஊதியத்தை மாநில அரசின் ஆசிரியா்களுக்கு திமுக அரசுதான் வழங்கியது.

தமிழக அரசு வெளியிட்ட அரசாணையின்படி, அரசு விழாக்களில், கல்வி நிலையங்களில், பொது நிறுவனங்களில், பொது நிகழ்ச்சிகளின்போது நிகழ்வு தொடங்குவதற்கு முன்னதாக தமிழ்த்தாய் வாழ்த்துப் பாடல் பாடப்பட்டு வருகிறது. பள்ளிகளில் அனைத்துக் குழந்தைகளும் தமிழ்த்தாய் வாழ்த்துப் பாடலை பிழையின்றி பாட தொடக்கப் பள்ளி ஆசிரியா்கள் சொல்லித்தர வேண்டும் என்றாா் அவா்.

முன்னதாக தமிழ்நாடு தொடக்கப்பள்ளி ஆசிரியா் கூட்டணி பொதுச் செயலாளா் ந.ரெங்கராஜன் வரவேற்றாா். மாநிலத் தலைவா் மு.லட்சுமி நாராயணன் தலைமை வகித்தாா்.

தமிழ் வளா்ச்சித் துறை இயக்குநா் ந.அருள், சென்னைப் பல்கலை.யின் தமிழ் இலக்கியத் துறைத் தலைவா் கோ.பழனி, உலகத் தமிழாசிரியா் பேரவையின் தலைவா் சாமிகண்ணு ஆகியோா் வாழ்த்துரை வழங்கினா்.

இந்த மாநாட்டில் அமெரிக்கா, கனடா, இலங்கை, சிங்கப்பூா், மலேசியா உள்பட பல்வேறு நாடுகளைச் சோ்ந்த ஆய்வாளா்கள் திரளாகப் பங்கேற்றுள்ளனா்.

உலகத் தமிழாசிரியா் மாநாட்டின் நிறைவு விழா ஞாயிற்றுக்கிழமை நடைபெறவுள்ளது. இதில் பள்ளிக் கல்வித் துறை அமைச்சா் அன்பில் மகேஸ் பொய்யாமொழி, அறநிலையத் துறை அமைச்சா் பி.கே.சேகா்பாபு ஆகியோா் கலந்து கொண்டு ஆசிரியா்களுக்கு பல்வேறு விருதுகளை வழங்கவுள்ளனா்.