தமிழ்நாடு

7 மாதங்களில் 244 போ் குண்டா் சட்டத்தில் கைது

7th Aug 2022 04:44 AM

ADVERTISEMENT

சென்னையில் கடந்த 7 மாதங்களில் பல்வேறு குற்றங்களில் தொடா்ச்சியாக ஈடுபட்ட 244 போ் குண்டா் தடுப்புச் சட்டத்தின் கீழ் கைது செய்யப்பட்டனா்.

கடந்த ஜனவரி மாதம் தொடங்கி ஆகஸ்ட் மாதம் 5ஆம் தேதி வரையில் 7 மாதங்களில் சென்னையில் தொடா்ச்சியாக பல்வேறு குற்றச் செயல்களில் ஈடுபட்டு வந்த 244 போ் குண்டா் தடுப்புச் சட்டத்தின் கீழ் சிறையில் அடைக்கப்பட்டனா்.

இதில் கொலை, கொலை முயற்சி, பொது அமைதிக்கு குந்தகம் விளைவிக்கும் குற்றங்களில் ஈடுபட்ட 150 பேரும், திருட்டு, வழிப்பறி, தங்கச் சங்கிலி பறிப்பு, பண மோசடி குற்றங்களில் ஈடுபட்ட 59 பேரும், போதைப் பொருள் விற்பனையில் ஈடுபட்ட 25 பேரும், பாலியல் தொழில் செய்த 4 பேரும், பெண்களை மானபங்கம் செய்த 2 பேரும், சைபா் குற்றத்தில் ஈடுபட்ட 3 பேரும், ரேசன் அரிசி கடத்தல் ஈடுபட்ட ஒருவரும் என 244 போ் குண்டா் தடுப்புச் சட்டத்தின் கீழ் சிறையில் அடைக்கப்பட்டனா்.

சென்னையில் கடந்தாண்டு குண்டா் தடுப்புச் சட்டத்தின் கீழ் 409 போ் கைது செய்யப்பட்டனா் என்பது குறிப்பிடத்தக்கது.

ADVERTISEMENT

ADVERTISEMENT
ADVERTISEMENT