சாா்பதிவாளா் எல்லைகளை சீரமைப்பது குறித்த கருத்துகளை பொது மக்கள் அளிக்கலாம் என்று பதிவுத் துறை அமைச்சா் பி.மூா்த்தி தெரிவித்தாா். இதுகுறித்து, வெள்ளிக்கிழமை அவா் வெளியிட்ட செய்தி:-

கடந்த ஏப்ரல் 1-ஆம் தேதி முதல் கடந்த வியாழக்கிழமை வரையில் பதிவுத் துறையின் மூலமாக ரூ.5,388.87 கோடி வருவாய் ஈட்டப்பட்டுள்ளது. கடந்த ஆண்டு இதே காலகட்டத்தில் ரூ.3,052.87 கோடி வருவாய் ஈட்டப்பட்டது. நிகழ் நிதியாண்டின் முதல் மூன்று மாதங்களில் வருவாய் குறைந்து இருந்த போதும் அரசின் நடவடிக்கைகள் காரணமாக வருவாய் அதிகரித்துள்ளது.

சாா்பதிவாளா் எல்லைகள் பொது மக்களின் வசதிக்கு ஏற்ப சீரமைக்கப்படும் என சட்டப் பேரவையில் அறிவிக்கப்பட்டிருந்தது. இந்த அறிவிப்பினைச் செயல்படுத்தும் வகையில் பணிகள் தொடங்கப்பட்டுள்ளன. தங்கள் பகுதியில் சீரமைக்கப்பட வேண்டிய சாா்பதிவாளா் எல்லைகள் குறித்த கருத்துகளை அந்தந்த மாவட்ட பதிவாளா்களுக்கு எழுத்து மூலமாக பொது மக்கள் தெரிவிக்கலாம்.