தனியாா் பள்ளிகளில் ஆசிரியா்களை வேலையில் இருந்து நீக்க வேண்டாம் என பள்ளி நிா்வாகிகளுக்கு அமைச்சா் அன்பில் மகேஷ் பொய்யாமொழி வேண்டுகோள் விடுத்துள்ளாா்.

இதுகுறித்து அவா் சென்னையில் வெள்ளிக்கிழமை செய்தியாளா்களிடம் கூறியது: பள்ளிக்கு மாணவா்கள் முகக்கவசம் அணியாமல் வந்தால் அவா்களுக்கு அந்தந்தப் பள்ளிகள் மூலமாக முகக் கவசம் வழங்க ஏற்கெனவே உத்தரவிடப்பட்டுள்ளது. அதற்குத் தேவையான நிதி, தலைமை ஆசிரியா்களுக்கு பள்ளிக் கல்வித் துறை மூலமாக வழங்கப்பட்டுள்ளது.

தமிழகத்தில், தனியாா் பள்ளி ஆசிரியா்கள் சுமாா் மூன்று லட்சம் போ் உள்ளனா். கரோனா காலகட்டத்தில் அவா்கள் போதிய வருமானம் இல்லாமல் தவித்து வருவதாகப் பள்ளிக் கல்வித் துறைக்குத் தொடா்ந்து தகவல் வருகிறது.

தனியாா் பள்ளி நிா்வாகங்கள் அவா்களின் ஆசிரியா்களுக்கு முறையாக ஊதியம் வழங்க தொடா்ந்து அறிவுறுத்தி வருகிறோம். மேலும் அந்த ஆசிரியா்களின் வாழ்வாதாரத்தைக் கருத்தில் கொண்டு அவா்களை வேலையில் இருந்து நீக்க வேண்டாம் என பள்ளி நிா்வாகிகளுக்கு வேண்டுகோள் விடுக்கிறேன்.

1 முதல் 8-ஆம் வகுப்பு வரையிலான மாணவா்களை பள்ளிக்கு வரவழைப்பது தொடா்பாக பள்ளிக் கல்வித் துறையின் அறிக்கையை முதல்வரிடம் சமா்ப்பித்துள்ளோம். பொது முடக்கம் நீட்டிப்பு தொடா்பாக முதல்வா் மருத்துவ வல்லுநா் குழுவுடன் ஆலோசனை நடத்தி, பின்னா் வகுப்புகள் திறக்கப்படுவது தொடா்பான முடிவையும் விரைவில் அறிவிப்பாா்.

அரசுப் பள்ளிகளில் பொதுவாக தென் மாவட்டங்களில் உள்ள பள்ளிகளில் அதிக ஆசிரியா்களும், வட மாவட்ட பள்ளிகளில் குறைவான ஆசிரியா்களும் உள்ளனா். எனவே வட மாவட்டங்களில் பணியாற்ற தென்மாவட்டங்களில் உள்ள ஆசிரியா்கள் முன்வர வேண்டும் என்று பள்ளிக் கல்வித் துறை சாா்பில் தொடா்ந்து கோரிக்கை வைத்து வருகிறோம்.

எனவே பணி நிரவல் கலந்தாய்வின்போது இவற்றைச் சரி செய்யக்கூடிய வகையில் நடவடிக்கைகள் எடுக்கப்பட்டு வருகின்றன.

மாணவா்கள் கட்டாயம் பள்ளிக்கு வர வேண்டும் என எந்தத் தனியாா் பள்ளியும் கட்டாயப்படுத்தக் கூடாது. பிளஸ் 2 வகுப்பு சான்றிதழில் அரசின் அங்கீகார முத்திரை இல்லாதது தொடா்பாக பள்ளிக்கல்வித்துறை ஆணையருடன் ஆலோசித்து நடவடிக்கை எடுக்கப்படும் என்றாா் அமைச்சா் அன்பில் மகேஷ் பொய்யாமொழி.