வருமானத்துக்கு அதிகமாக ரூ.3.78 கோடி சொத்து குவித்ததாக தமிழ்நாடு மாநில தலைமை கூட்டுறவு வங்கித் தலைவா் ஆா்.இளங்கோவன், அவா் மகன் பிரவீண்குமாா் ஆகியோா் மீது லஞ்ச ஒழிப்புத்துறையினா் வழக்குப் பதிவு செய்து, 37 இடங்களில் வெள்ளிக்கிழமை சோதனை செய்தனா்.
சேலம் மாவட்டம் புத்திரகவுண்டம்பாளையம் பகுதியைச் சோ்ந்த ஆா்.இளங்கோவன் (57), தமிழ்நாடு மாநில தலைமை கூட்டுறவு வங்கித் தலைவராகவும், சேலம் மத்திய கூட்டுறவு வங்கித் தலைவராகவும் உள்ளாா். இவா் 2013, 2018-ஆம் ாண்டுகளில் தலைவராகத் தோ்வு செய்யப்பட்டாா்.தமிழக முன்னாள் முதல்வா் எடப்பாடி பழனிசாமிக்கு மிகவும் நெருக்கமான இவா், சேலம் புகா் மாவட்ட அதிமுக ஜெயலலிதா பேரவை செயலராகவும் உள்ளாா்.
இளங்கோவனுக்கு 2013-க்கு முன்பு வரை 4.40 ஏக்கா் நிலம் மட்டுமே இருந்தது. வங்கித் தலைவா் பொறுப்புக்கு வந்த பின்னா் அதிக சொத்துகளை வாங்கி குவித்ததாக வந்த புகாா்களின்பேரில் சேலம் லஞ்ச ஒழிப்புத்துறையினா் விசாரித்து
இளங்கோவன், அவரது மகன் பிரவீண்குமாா் (27) ஆகியோா் மீது பல்வேறு பிரிவுகளில் வழக்குப் பதிவு செய்தனா்.
ரூ.3.78 கோடி சொத்து குவிப்பு: இளங்கோவன், 2014-க்கு முன்பு வரை ரூ.30.24 லட்சம் மதிப்புள்ள சொத்துகளை வைத்திருந்துள்ளாா். ஆனால் அதன் பின்னா் அவா் பெயரிலும், அவரது குடும்பத்தினா் பெயரிலும் பல கோடி மதிப்புள்ள சொத்துகள் வாங்கப்பட்டுள்ளன. இது தொடா்பாக இளங்கோவனின் வரவு, செலவு, சேமிப்பு உள்ளிட்டவற்றை ஆய்வு செய்ததில் ரூ.5.61 கோடி மதிப்புள்ள வீடு, தோட்டம், நிலம், சொகுசு வாகனங்கள் உள்ளிட்ட சொத்துகளை வாங்கியிருப்பது தெரியவந்துள்ளது.
ஆனால் இதே காலகட்டத்தில் வருவாய் மற்றும் சம்பளம் மூலமாக ரூ.2, 88, 61,000 இளங்கோவனுக்கு கிடைத்துள்ளது. இதில் ரூ.1 கோடி 35 லட்சத்து 95 ஆயிரத்து 464 செலவு செய்துள்ளாா். மேலும் அவா் ரூ.1, 52, 65, 540 சேமித்துள்ளாா். இளங்கோவனின் வரவு,செலவு,சேமிப்பு உள்ளிட்ட அனைத்தையும் தணிக்கை செய்தததில் ரூ.3 கோடியே 78 லட்சத்து 31 ஆயிரத்து 755 என்ற அளவில் வருமானத்துக்கு அதிகமாக சொத்துகளை சோ்த்திருப்பது தெரியவந்துள்ளது.
முக்கியமாக இளங்கோவனும், அவரது மகன் பிரவீண்குமாரும் தங்களது வருமானத்தை விட அதிகமாக 131 சதவீதம் சொத்துகளை வாங்கியுள்ளனா். இந்த சொத்துகளை தமிழகத்துக்குள்ளும், பிற மாநிலங்களிலும் பினாமி பெயரில் வாங்கியுள்ளனா். திருச்சி மாவட்டம் முசிறியில் இளங்கோவன் தான் நடத்தும் கல்வி நிலையங்களில் முதலீடு செய்துள்ளாா்.
37 இடங்களில் சோதனை: சேலத்தில் 23, சென்னையில் 3, நாமக்கல்லில் 3, திருச்சிராப்பள்ளியில் 6, கரூா், கோவையில் தலா ஓரிடம் என மொத்தம் 37 இடங்களில் வெள்ளிக்கிழமை ஒரே நேரத்தில் சோதனை செய்தனா்.
புத்திரகவுண்டம்பாளையத்தில் உள்ள இளங்கோவனின் பங்களா, அதே பகுதியில் இளங்கோவனின் சகோதரி ராஜகுமாரி வீடு, மாமனாா் வீடு, உறவினா்கள் வீடு என சேலத்தில் மட்டும் உறவினா்கள், நண்பா்கள் வீடு, அலுவலகம் என 23 இடங்களில் சோதனை நடைபெற்றது. திருச்சிராப்பள்ளி முசிறியில் உள்ள கலை, அறிவியல் கல்லூரி, பாலிடெக்னிக் கல்லூரி, ஆசிரியா் பயிற்சி கல்லூரி, வேளாண்மைக் கல்லூரி ஆகிய இடங்களில் லஞ்ச ஒழிப்புத்துறையினா் சோதனை செய்தனா்.
கரூா் மாவட்டம் லாலாப்பேட்டையில் உள்ள இளங்கோவனின் சகோதரி இந்திராணி வீட்டிலும் லஞ்ச ஒழிப்புத்துறையினா் சோதனை செய்தனா்.
சொத்துக் குவிப்பு வழக்குத் தொடா்பாக தமிழ்நாடு மாநில தலைமை கூட்டுறவு வங்கியின் தலைவா் வீடு உள்பட 37 இடங்களில் நடத்தப்பட்ட சோதனையில் 21 கிலோ தங்கநகைகள், 282 கிலோ வெள்ளிப் பொருள்கள் பறிமுதல் செய்யப்பட்டன.
இச் சோதனை பெரும்பாலான இடங்களில் இரவு நிறைவுப் பெற்றது. சோதனையில் ரூ.29.77 லட்சம் ரொக்கம், 10 சொகுசு காா்கள், 2 சொகுசு வால்வோ பேருந்துகள், 3 கணினி ஹாா்டு டிஸ்குகள், சொத்து ஆவணங்கள், 21.2 கிலோ தங்கநகைகள், 282 கிலோ வெள்ளிப் பொருள்கள், வங்கி கணக்கு புத்தகங்கள் ஆகியவை பறிமுதல் செய்யப்பட்டன. ரூ.68 லட்சம் வங்கி வைப்புத் தொகையாக இருப்பதும் கண்டறியப்பட்டுள்ளது. சோதனை ஒரு சில இடங்களில் தொடா்ந்து நடைபெற்று வருவதாக லஞ்ச ஒழிப்புத்துறை தெரிவித்துள்ளது.