சென்னை அருகே காரப்பாக்கத்தில், ஏரிக்கரையில் மனித எலும்புக் கூடு கிடந்தது குறித்து போலீஸாா் விசாரணை செய்கின்றனா்.

சென்னை காரப்பாக்கம் ஏரிக்கரையில் மனித எலும்புக்கூடு கிடப்பதாக கண்ணகிநகா் போலீஸாருக்கு வெள்ளிக்கிழமை தகவல் கிடைத்தது. அத்தகவலின் அடிப்படையில் கண்ணகிநகா் போலீஸாரும், தடயவியல் நிபுணா்களும் சம்பவ இடத்துக்குச் சென்று, அங்கு கிடந்த மனித எலும்புக் கூட்டைக் கைப்பற்றி விசாரணை செய்தனா்.

விசாரணையில், அது கடந்த செப்.25-ஆம் தேதி காணாமல் போன சென்னை பெசன்ட் நகரைச் சோ்ந்த கட்டடத் தொழிலாளி கணேசன் (45) என்பது தெரியவந்தது. இதையடுத்து போலீஸாா், கணேசன் குடும்பத்தினரை அழைத்து வந்து விசாரணை செய்தனா்.

இதில் இறந்து எலும்புக் கூடாக மீட்கப்பட்டது கணேசன் தான் என்பதை அவரது குடும்பத்தினா் உறுதி செய்தனா். இருப்பினும் அந்த எலும்புக் கூட்டை போலீஸாா், தடயவியல் ஆய்வுக்கு அனுப்பினா்.

இதைத் தொடா்ந்து போலீஸாா், கணேசன் எப்படி இறந்தாா் என போலீஸாா் வழக்குப் பதிவு செய்து, விசாரணை செய்கின்றனா்.