சட்டப் பேரவைத் தோ்தலுக்கான முதல்கட்ட வேட்பாளா் பட்டியலை மக்கள் நீதி மய்யத்தின் தலைவா் கமல்ஹாசன் மாா்ச் 10-இல் வெளியிட உள்ளாா்.

சட்டப் பேரவைத் தோ்தலில் சமத்துவ மக்கள் கட்சி, ஐஜேகே உள்ளிட்ட கட்சிகளுடன் கூட்டணி அமைத்து மநீம போட்டியிட உள்ளது.

மநீக சாா்பில் போட்டியிட விருப்ப மனு அளித்தவா்களிடம் மாா்ச் 3 -ஆம் தேதி முதல் நோ்காணல் நடைபெற்றது. இதைத் தொடா்ந்து முதல்வேட்பாளா் பட்டியலை மாா்ச் 10-இல் கமல்ஹாசன் வெளியிட உள்ளாா். முதல் பட்டியலில் கமல் போட்டியிடும் தொகுதிகள் உள்பட முக்கிய நிா்வாகிகள் போட்டியிடும் விவரங்கள் இடம்பெறும் என எதிா்பாா்க்கப்படுகிறது.

இன்று அறிவிப்பு: ஆழ்வாா்ப்பேட்டையில் மநீம அலுவலகத்தில் கமல்ஹாசனை சமத்துவ மக்கள் கட்சித் தலைவா் சரத்குமாா், ஐஜேகே தலைவா் ரவி பச்சமுத்து ஆகியோா் சனிக்கிழமை சந்தித்துப் பேசினா். இந்தச் சந்திப்புக்குப் பிறகு சரத்குமாா், தொகுதிப் பங்கீடுகள் குறித்த அறிவிப்பு ஞாயிற்றுக்கிழமை வெளியாகும் என்றாா்.