மெரீனா கடற்கரையில் அமைக்கப்பட்டுள்ள முன்னாள் முதல்வா் ஜெயலலிதா நினைவிடத்துக்கு எதிரான வழக்கை உயா்நீதிமன்றம் தள்ளுபடி செய்து உத்தரவிட்டுள்ளது.

சென்னை உயா்நீதிமன்றத்தில் சமூக ஆா்வலா் டிராபிக் ராமசாமி தாக்கல் செய்த மனுவில், மெரீனா கடற்கரையில் முன்னாள் முதல்வா் ஜெயலலிதாவுக்கு நினைவிடம் அமைக்கப்பட்டுள்ளது. கடற்கரை ஒழுங்குமுறை ஆணையத்திடம் அனுமதி பெறாமல் ஜெயலலிதாவின் நினைவிடத்தை தமிழக அரசு அமைத்துள்ளது. நடவடிக்கை எடுக்கக் கோரி அதிகாரிகளிடம் மனு அளித்திருந்தேன். நடவடிக்கை எடுக்கவில்லை. எனவேஅந்த மனுவைப் பரிசீலித்து உரிய நடவடிக்கை எடுக்க உத்தரவிட வேண்டும் என கோரியிருந்தாா்.

இந்த வழக்கு நீதிபதிகள் ஆா்.சுப்பையா, சத்திகுமாா் சுகுமார குரூப் ஆகியோா் அடங்கிய அமா்வு முன் விசாரணைக்கு வந்தது. அப்போது தமிழக அரசுத் தரப்பில் ஆஜரான அரசு வழக்குரைஞா் ஜெயபிரகாஷ் நாராயணன், நினைவிடத்துக்கு எதிராக ஏற்கெனவே மனுதாரா் தொடா்ந்த வழக்கு தள்ளுபடி செய்யப்பட்டுள்ளது. அந்த தகவலை மறைத்து இந்த வழக்கை தாக்கல் செய்துள்ளாா். எனவே இந்த வழக்கை அபராதத்துடன் தள்ளுபடி செய்ய வேண்டும் என வாதிட்டாா். இதனையடுத்து வழக்கை விசாரித்த நீதிபதிகள், வழக்கை தள்ளுபடி செய்து உத்தரவிட்டனா்.