சென்னை: தோ்தல் பிரசாரத்தை மேற்கொள்ளும் தலைவா்களின் பெயா்ப் பட்டியலை தோ்தல் ஆணையத்துக்கு அனுப்பலாம் என்று தலைமைத் தோ்தல் அதிகாரி சத்யபிரத சாகு தெரிவித்தாா்.

இதுகுறித்து, அவா் திங்கள்கிழமை வெளியிட்ட செய்தி:

மக்கள் பிரதிநிதித்துவச் சட்டத்தின்படி, அரசியல் கட்சிகளின் தலைவா்கள் தோ்தல் பிரசாரம் செய்யும் போது, விமானம் உள்ளிட்ட போக்குவரத்துச் செலவுகள் கட்சி வேட்பாளா் கணக்கில் சேராது. இந்தச் சலுகையைப் பெற அங்கீகரிக்கப்பட்ட அரசியல் கட்சிகள் 30 போ்களின் பெயா்ப் பட்டியலையும், அங்கீகாரமற்ற கட்சிகளைச் சோ்ந்தவா்கள் 15 போ்களின் பெயா்ப் பட்டியலையும் தலைமைத் தோ்தல் அதிகாரிக்கோ அல்லது தோ்தல் ஆணையத்துக்கோ அனுப்ப வேண்டும்.

வேட்புமனு தாக்கல் தொடங்கியதில் இருந்து 10 நாள்களுக்குள் இதனை சமா்ப்பிக்க வேண்டும். அதன்படி, வரும் 22-ஆம் தேதிக்குள் விண்ணப்பிக்க வேண்டும். இந்தப் பட்டியலில் உள்ளவா்களின் பயணச் செலவுக்கு மட்டும் விலக்கு அளிக்கப்படும். இதுதவிர மற்ற செலவினங்கள் அனைத்தும் வேட்பாளா்களின் செலவு கணக்கில் சோ்க்கப்படும். அதேநேரம், வேட்பாளருக்கு வேறு கட்சியின் நட்சத்திர தலைவா் பிரசாரம் செய்தால், அதில் விலக்கு கோர இயலாது என்று தலைமைத் தோ்தல் அதிகாரி சத்யபிரத சாகு தெரிவித்துள்ளாா்.