தமிழ்நாடு

தில்லியில் முதல்வர் ஸ்டாலினுக்கு உற்சாக வரவேற்பு!

DIN


இரண்டு நாள் அரசுமுறைப் பயணமாக தில்லி சென்றடைந்த முதல்வர் மு.க.ஸ்டாலினுக்கு திமுக நாடாளுமன்ற உறுப்பினர்கள், தில்லி சிறப்பு பிரநிதி ஏ.கே.எஸ் விஜயன் உள்ளிட்டோர் உற்சாக வரவேற்பு அளித்தனர். 

தமிழக முதல்வராகப் பொறுப்பேற்ற பிறகு முதல் முறையாக தனி விமானத்தில் வியாழக்கிழமை காலை 7.30 மணியளவில் சென்னையில் இருந்து புறப்பட்டு தில்லி சென்றடைந்தார் மு.க.ஸ்டாலின்.

தில்லி வந்த முதல்வர் முக.க.ஸ்டாலினுக்கு தில்லி விமான நிலையத்தில் திமுக நாடாளுமன்ற உறுப்பினர்கள் டி.ஆர்.பாலு, கனிமொழி, தில்லி சிறப்பு பிரநிதி விஜயன், தமிழக நீர்வளத்துறை அமைச்சர் துரைமுருகன் உள்ளிட்டோர் உற்சாக வரவேற்பு அளித்தனர். 

பின்னர் தில்லி விமான நிலையத்தில் இருந்து கார் மூலம் செல்லும் முதல்வர் ஸ்டாலின் தமிழ்நாடு இல்லம் மற்றும்  திமுக கட்சி அலுவலகத்தையும் பார்வையிடுகிறார். பின்னர் மாலை 5 மணியளவில் பிரதமா் நரேந்திர மோடியை சந்தித்துப் பேசுகிறாா்.

தில்லி வந்த முதல்வர் முக.க.ஸ்டாலினுக்கு தில்லி விமான நிலையத்தில் உற்சாக வரவேற்பு அளித்த திமுக நாடாளுமன்ற உறுப்பினர்கள்.

இந்தச் சந்திப்பின் போது நதிநீா் இணைப்பு, செங்கல்பட்டு தடுப்பூசி மையத்தை செயல்பாட்டுக்குக் கொண்டு வருவது, ஜி.எஸ்.டி. நிலுவைத் தொகை, நீட் தேர்வு ரத்து,  ஹைட்ரோ கார்பன் திட்டம்,  7 பேர் விடுதலை, போன்ற பல்வேறு முக்கிய விஷயங்கள் அடங்கிய கோரிக்கை மனுக்களை பிரதமரிடம் முதல்வா் ஸ்டாலின் அளிக்கிறாா். இந்தச் சந்திப்புக்குப் பிறகு, மத்திய நிதியமைச்சரை சந்தித்து தமிழகத்தின் சாா்பிலான முக்கிய கோரிக்கைகளை வலியுறுத்த உள்ளாா்.

அரசு ரீதியான சந்திப்புகளுக்குப் பிறகு, அரசியல் தொடா்பான சந்திப்புகளை மேற்கொள்கிறாா். 

தில்லி வந்த முதல்வர் முக.க.ஸ்டாலினுக்கு தில்லி விமான நிலையத்தில் உற்சாக வரவேற்பு அளித்த திமுக நாடாளுமன்ற உறுப்பினர்கள்.

அப்போது காங்கிரஸ் தலைவா் சோனியா காந்தி, ராகுல் காந்தி உள்ளிட்ட பல்வேறு தலைவா்களையும் அவா் சந்தித்துப் பேசுகிறார். தொடா்ந்து வெள்ளிக்கிழமை அவா் தமிழகம் திரும்புகிறாா்.

தில்லி சென்றுள்ள முதல்வர் மு.க.ஸ்டாலினுடன் அவரது மனைவி துர்கா ஸ்டாலின்,  தலைமைச் செயலாளர் வெ.இறையன்பு, உள்துறை செயலாளர், செய்தி மற்றும் மக்கள் தொடர்பு இயக்குநர் உள்ளிட்ட சில மூத்த அதிகாரிகள் தில்லி சென்றுள்ளனர். 
 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

சமூகநீதி பேசும் ராமதாஸ் பாஜகவுடன் கூட்டணி வைத்தது ஏன்? - முதல்வர் ஸ்டாலின் கேள்வி

பேமிலி ஸ்டார் படத்தின் டிரெய்லர்

விமர்சனங்களை கண்டுகொள்ளாதீர்கள்; ஹார்திக் பாண்டியாவுக்கு அறிவுரை கூறிய பிரபல ஆஸி. வீரர்!

எப்புரா படத்தின் டீசர்

புஷ்பா பட நடிகர் அல்லு அர்ஜுனுக்கு டேவிட் வார்னர் வாழ்த்து

SCROLL FOR NEXT