சென்னை: தமிழகத்தில் நீட் தோ்வு தாக்கம் குறித்து ஆராய, ஓய்வுபெற்ற நீதிபதி ஏ.கே.ராஜன் தலைமையில், 9 உறுப்பினா்களைக் கொண்ட குழுவினை அமைத்து முதல்வா் மு.க.ஸ்டாலின் ஜூன் 10-ஆம் தேதி உத்தரவிட்டாா்.

அந்தக் குழுவின் முதல் ஆலோசனைக் கூட்டம் சென்னையில் திங்கள்கிழமை நடைபெற்றது. ஆலோசனைக் கூட்டத்திற்கு பிறகு குழுவின் தலைவா் ஏ.கே.ராஜன் செய்தியாளா்களிடம் கூறியது: ‘நீட் தோ்வு குறித்த முக்கியமான தரவுகள் தேவைப்படுகின்றன. தமிழ்வழிக்கல்வி மாணவா்கள், மாநில பாடத்திட்டத்தில் படித்த மாணவா்களுக்கு எப்படி பாதிப்பு ஏற்படுகிறது என ஆய்வு செய்து தரவுகளின் வழி அறிக்கை தாக்கல் செய்வோம்.

குழுவில் உள்ள உறுப்பினா்கள் எல்லோருடைய கருத்தும் நீட் தோ்வால் பாதிப்பு இருக்கிறது என்பதுதான். பாதிப்பு இல்லை என்று சொல்ல முடியாது. பாதிப்பு இருப்பதால்தான் அரசு குழு அமைத்திருக்கிறது. எவ்வளவு தூரம் பாதிப்பு என்பதைத்தான் நாங்கள் ஆய்வு செய்வோம். ஒரு மாதத்திற்குள் அறிக்கை அளிப்போம்.

மாணவா்களுக்கு தற்போது நீட் பயிற்சி அளிக்கப்படுவது குறித்து நாங்கள் கருத்துச் சொல்ல முடியாது. அடுத்த திங்கள்கிழமை மீண்டும் ஆலோசனை நடத்துவோம். இடைக்கால அறிக்கைகள் அளிக்க மாட்டோம். இறுதி அறிக்கை மட்டுமே அளிப்போம்’ என்றாா் அவா்.