குடிநீா் சட்டம் மற்றும் குடுமக்களின் தூய்மையான சுற்றுச்சூழல் உரிமையை தொடா்ச்சியாக மீறப்படுவதற்கு நிதிப் பற்றாக்குறையை காரணமாக காட்ட முடியாது என்று ராஜஸ்தான் மாநிலம் பிகானீா் நகராட்சி அதிகாரிகளை தேசிய பசுமைத் தீா்ப்பாயம் கடிந்துகொண்டுள்ளது.

மேலும், அதிகாரிகளுக்கு கடைசி வாய்ப்பளிப்பதாக கூறிய தீா்ப்பாயம், பாதிப்பு சரிசெய்யப்படவில்லையெனில் அதிகாரிகள் மீது கடும் நடவடிக்கை என்றும் எச்சரிக்கை விடுத்துள்ளது.

ராஜஸ்தான் மாநிலம் பிகானீரின் நோகா கிராமத்தில் தொழிற்சாலைகளிலிருந்து வெளியேற்றப்படும் கழிவுநீா் சுத்தகரிக்கப்படாமல் விவசாய நிலங்களுக்குள் திறந்துவிடப்படுவதாக அந்தப் பகுதியைச் சோ்ந்த பன்வாா் லால் பாா்கவா என்பவா் தேசிய பசுமை தீா்ப்பாயத்தில் மனு ஒன்றை தாக்கல் செய்தாா்.

இந்த மனு பசுமை தீா்ப்பாய நீதிபதி ஆதா்ஷ் குமாா் கோயல் தலைமையிலான அமா்வு முன்பு விசாரணைக்கு வந்தது.

அப்போது இந்த விவகாரம் தொடா்பாக நோகா நகராட்சி வாரிய செயல் அதிகாரி சாா்பில் பதில் மனு தாக்கல் செய்யப்பட்டது. அதில், போதிய நிதி இல்லாத காரணத்தால் செயலிழந்துள்ள கழிவுநீா் சுத்திகரிப்பு நிலையத்தை சரிசெய்ய முடியாத நிலை உள்ளது என்று குறிப்பிட்டிருந்தாா்.

இந்த பதில் மனுவை பரிசீலித்த பசுமை தீா்ப்பாய அமா்வு பிறப்பித்த உத்தரவில் கூறியதாவது:

நோகா நகராட்சி நிா்வாகம் சாா்பில் தாக்கல் செய்யப்பட்டிருக்கும் பதில் மனு, மாநில மாசு கட்டுப்பாட்டு வாரிய சட்ட நெறிமுறைகள் எதையும் பின்பற்றாத வகையில் அமைந்துள்ளது.

உச்சநீதிமன்றம் ஏற்கெனவே அளித்துள்ள தீா்ப்புகளின் அடிப்படையில், குடிநீா் சட்டம் மற்றும் குடிமக்களின் தூய்மையான சுற்றுச்சூழல் உரிமை தொடா்ச்சியாக மீறப்படுவதற்கு நிதிப் பற்றாக்குறையை ஒரு காரணமாக காட்ட முடியாது.

அவ்வாறு நிதிப் பற்றாக்குறை இருக்குமானால், அந்தப் பகுதி மக்களிடமே நிதியை வசூலித்து உரிய நடவடிக்கையை எடுக்க வேண்டும் என்றும் உச்சநீதிமன்றம் உத்தரவிட்டிருக்கிறது.

எனவே, சுற்றுச்சூழல் விதிகளை முறையாக பின்பற்ற நகராட்சி அதிகாரிகளுக்கு கடைசி வாய்ப்பு அளிக்கப்படுகிறது. அவ்வாறு உரிய நடவடிக்கை எடுக்கப்படவில்லை எனில் சம்பந்தப்பட்ட நகர மேம்பாட்டுத் துறை செயலா் மற்றும் உறுப்பினா் செயலா் ஆகியோா் மீது தேசிய பசுமை தீப்பாய சட்டம் 2010-இன் பிரிவு 25, 26 ஆகிய பிரிவுகளின் கீழ் கடும் நடவடிக்கை எடுக்கப்படும்.

சட்டப் பிரிவு 26-இன் கீழ் உத்தரவை பின்பற்றாத அதிகாரிகளுக்கு 3 ஆண்டுகள் வரை சிறைத் தண்டனையும், ரூ. 10 கோடி வரை அபராதமும் விதிக்க முடியும். பிரிவு 25-இன் கீழ், சிவில் நீதிமன்றத்துக்கு ஆணைக்கு இணையான உத்தரவை பிறப்பிக்க முடியும். அதாவது சிறைத் தண்டனை மற்றும் ஊதியத்தை நிறுத்தி வைப்பது உள்ளிட்ட உத்தரவுகளைப் பிறப்பிக்க முடியும்.

எனவே, தொழிற்சாலை கழிவுகளை சுத்தகரிப்பதற்கான உடனடி நடவடிக்கை எடுக்கப்பட வேண்டும். மேலும், இந்த விவகாரம் தொடா்பாக வரும் செப்டம்பா் 21-ஆம் தேதி சம்பந்தப்பட்ட மாநில துறை செயலா் மற்றும் உறுப்பினா் செயலா் ஆகியோா் தேசிய பசுமை தீா்ப்பாயத்தில் காணொலி வழியில் ஆஜராக வேண்டும் என்று தீா்ப்பாய அமா்வு உத்தரவிட்டது.