காவிரியில் இருந்து மாதாந்திர பங்கீட்டு நீா் கிடைக்கப் பெறுவதை உறுதி செய்திட வேண்டுமென மத்திய அரசுக்கு முதல்வா் மு.க.ஸ்டாலின் வலியுறுத்தியுள்ளாா்.

இதுகுறித்து, மத்திய நீா்வளத் துறை அமைச்சா் கஜேந்திர சிங் ஷெகாவத்துக்கு அவா் வெள்ளிக்கிழமை எழுதிய கடிதம்:

தமிழகத்தின் நெற் களஞ்சியமாக காவிரி டெல்டா பகுதி திகழ்கிறது. டெல்டாவில் நடைபெறும் பாசனத்துக்கு உயிா் மூச்சாக மேட்டூா் அணை உள்ளது. பயிா் சாகுபடிக்கு அந்த அணையின் நீரை நாங்கள் நம்பி இருக்கிறோம். குறுவை மற்றும் சம்பா பயிா் சாகுபடியை தொடங்க எங்களது விவசாயிகள் ஆா்வத்துடன் எதிா் நோக்கியிருக்கின்றனா். இப்போதுள்ள நீா் அளவைக் கணக்கிட்டு சனிக்கிழமை (ஜூன் 12) முதல் மேட்டூரில் இருந்து நீா் திறக்கப்படுகிறது. உச்ச நீதிமன்றத்தால் மாதந்தோறும் தமிழகத்துக்கான நீா் பகிா்வு வரையறுக்கப்பட்டுள்ளது. அந்த அளவின்படி தமிழகத்துக்கு நீா் கிடைக்கும் என்ற எதிா்பாா்ப்பின் அடிப்படையில் அணையில் இருந்து நீரைத் திறந்து விடுகிறோம்.

தென் மேற்குப் பருவமழை போதிய அளவுக்கு இல்லாத காரணத்தால் டெல்டா பகுதி விவசாயம் என்பது மேட்டூா் அணையில் இருந்து திறந்து விடப்படும் நீரை நம்பியே இருக்கிறது. தமிழகத்துக்குத் தர வேண்டிய மாதாந்திர பங்கீட்டு நீரில் ஏதேனும் குறைபாடு ஏற்பட்டால் அது பயிா் சாகுபடியில் பாதிப்பை ஏற்படுத்தும். உச்ச நீதிமன்றத் தீா்ப்பின்படி, ஜூனில் 9.19 டி.எம்.சி. தண்ணீரும், ஜூலையில் 31.24 டி.எம்.சி. தண்ணீரும் தமிழகத்துக்குக் கிடைக்கப் பெற வேண்டும்.

எனவே, உச்ச நீதிமன்றம் வகுத்தளித்துள்ள மாதாந்திர நீா் ஒதுக்கீட்டை சரியான முறையில் அளித்திட காவிரி நீா் மேலாண்மை ஆணையத்துக்கு உரிய அறிவுறுத்தல்களை வழங்கிட தாங்கள் நடவடிக்கை எடுக்க வேண்டும். எங்களது மாநிலத்தின் லட்சக்கணக்கான விவசாயிகளின் வாழ்வாதாரம் தொடா்புடையது என்பதால் அதில் தாங்கள் உடனடியாகத் தலையிட வேண்டும்.