பாஜக மூத்த தலைவரும், மத்திய உள்துறை அமைச்சருமான அமித்ஷாவை, முதல்வா் பழனிசாமி, துணை முதல்வா் ஓ.பன்னீா்செல்வம் ஆகியோா் ஞாயிற்றுக்கிழமை காலை சந்தித்துப் பேசவுள்ளனா்.
முதல்வருடன் சந்திப்பு: முதல்வா் பழனிசாமி, துணை முதல்வா் ஓ.பன்னீா்செல்வம் ஆகியோரை சென்னையில் உள்ள அவா்களது இல்லத்தில் பாஜக மூத்த தலைவா்கள் சனிக்கிழமை சந்தித்துப் பேசினா். பாஜக மாநில தோ்தல் பொறுப்பாளரும், உள்துறை இணையமைச்சருமான கிஷன்ரெட்டி, இணை பொறுப்பாளரும், மத்திய அமைச்சருமான வி.கே.சிங், தமிழக பாஜக மேலிடப் பொறுப்பாளா் சி.டி.ரவி, மாநிலத் தலைவா் எல்.முருகன் ஆகியோா் சந்திப்பின் போது உடனிருந்தனா்.
இந்தச் சந்திப்பின் போது, அதிமுகவுடனான கூட்டணியில் தொகுதிகளின் எண்ணிக்கை குறித்து இறுதி முடிவு செய்யப்பட்டதாகத் தெரிகிறது.