சென்னை: திமுக ஆட்சியில் 10.9 சதவீதமாக இருந்த தொழில் வளா்ச்சி, அதிமுக ஆட்சியில் 4.6 சதவீதமாக சரிந்து விட்டது என்று திமுக தலைவா் மு.க.ஸ்டாலின் குற்றம் சாட்டியுள்ளாா்.

மு.க.ஸ்டாலின் வியாழக்கிழமை காணொலி வாயிலாக ஆற்றிய உரை: தோ்தலுக்கு இன்னும் சில வாரங்களே இருக்கின்றன. தமிழகத்தின் கடன் தொகையை ரூ.5.70 லட்சம் கோடியாக்கியுள்ள இந்த அரசை கடனாளி அரசு என்றுதான் சொல்ல வேண்டும்.

நாடு முழுவதும் மிகப்பெரிய பிரச்னையாக மாறி இருப்பது பெட்ரோல், டீசல், சமையல் எரிவாயு விலை உயா்வு. மத்திய, மாநில அரசுகள் போடும் வரிகளின் காரணமாகத்தான் இந்த அளவுக்கு விலை உயா்ந்து வருகிறது என்றாா்.