தமிழ்நாடு

காரைக்கால் திமுக வேட்பாளருக்கு கரோனா

13th Apr 2021 03:02 PM

ADVERTISEMENT

 

காரைக்கால் தெற்குத் தொகுதி திமுக வேட்பாளரும், முன்னாள் அமைச்சருமான ஏ.எம்.எச்.நாஜிமுக்கு கரோனா தொற்று உறுதி செய்யப்பட்டுள்ளது.

புதுச்சேரி சட்டப்பேரவைத் தேர்தல் கடந்த 6-ஆம் தேதி நடைபெற்றது. இதற்காக காரைக்கால் தெற்குத் தொகுதிக்குள்பட்ட பகுதிகளில் தீவிர பிரசாரத்தில் அவர் ஈடுபட்டுவந்தார். 

தேர்தல் பணிகள் நிறைவடைந்த சூழலில், கடந்த சில நாள்களாக உடல் சோர்வாக காணப்பட்ட நிலையில், காரைக்கால் அரசு பொது மருத்துவமனையில் செய்துகொண்ட கரோனா பரிசோதனையில் அவருக்கு கரோனா தொற்று உறுதி செய்யப்பட்டது. இதைத் தொடர்ந்து அவர் சென்னை சென்று அங்குள்ள தனியார் மருத்துவமனையில் சிகிச்சைக்காக செவ்வாய்க்கிழமை சேர்ந்தார்.

ADVERTISEMENT

காரைக்கால் மாவட்டத்தில் வேட்பாளர் நிலையில் 2 பேர் இதுவரை கரோனாவால் பாதிக்கப்பட்டுள்ளனர். கடந்த 11-ஆம் தேதி நெடுங்காடு (தனி) தொகுதி காங்கிரஸ் வேட்பாளர் அ.மாரிமுத்து கரோனா தொற்றால் பாதிக்கப்பட்டு காரைக்கால் அரசு பொதுமருத்துவமனையில் சிகிச்சை பெற்று வருவது நினைவு கூரத்தக்கது.
 

Tags : காரைக்கால்
ADVERTISEMENT

MORE FROM THE SECTION

ADVERTISEMENT