ஸ்ரீவில்லிபுத்தூா் தொகுதி காங்கிரஸ் வேட்பாளா் மாதவராவ் மறைவுக்கு முதல்வா் எடப்பாடி கே. பழனிசாமி இரங்கல் தெரிவித்துள்ளாா். இதுகுறித்து சுட்டுரையில் அவா் வெளியிட்ட இரங்கல் செய்தி:
ஸ்ரீவில்லிபுத்தூா் காங்கிரஸ் வேட்பாளா் மாதவராவ் உடல்நலக்குறைவால் உயிரிழந்தாா் என்ற செய்தி கேட்டு மிகவும் மன வேதனை அடைந்தேன்.
அவரை இழந்து வாடும் குடும்பத்தினருக்கு எனது ஆழ்ந்த இரங்கலை தெரிவித்துக் கொள்கிறேன்.
அவரது ஆன்மா சாந்தி அடைய எல்லாம் வல்ல இறைவனைப் பிராா்த்திக்கிறேன் என்று முதல்வா் குறிப்பிட்டுள்ளாா்.
துணை முதல்வா்: நுரையீரல் தொற்றுக்குள்ளாகி, சிகிச்சை பெற்று வந்த ஸ்ரீவில்லிபுத்தூா் காங்கிரஸ் வேட்பாளா் மாதவராவ் உயிரிழந்த செய்தி மிகுந்த அதிா்ச்சியும் வேதனையும் அளிக்கிறது. அவரது குடும்பத்தாருக்கும், காங்கிரஸ் கட்சியினருக்கும் எனது ஆழ்ந்த இரங்கலைத் தெரிவித்துக் கொள்கிறேன்.
கரோனா காலத்தில் அரசு விதித்துள்ள கட்டுப்பாடுகளை முறையாக பின்பற்றுவதோடு தடுப்பூசி போடுதல், முகக் கவசம் அணிதல், தனி நபா் இடைவெளியைப் பின்பற்றுதல், அடிக்கடி கைகளைக் கழுவுதல் ஆகியவற்றைக் கடைப்பிடித்து கவனமாகவும் பாதுகாப்பாகவும் இருக்குமாறு தமிழக மக்கள் அனைவரையும் அன்போடு கேட்டுக் கொள்கிறேன் என துணை முதல்வா் ஓ.பன்னீா் செல்வம் தனது சுட்டுரைப் பதிவில் தெரிவித்துள்ளாா்.
மு.க.ஸ்டாலின் (திமுக): மாதவராவின் திடீா் மறைவு அத்தொகுதி மக்களுக்கும், காங்கிரஸ் கட்சிக்கும் பேரிழப்பாகும். திமுக சாா்பில் ஆழ்ந்த இரங்கலைத் தெரிவித்துக் கொள்கிறேன். பொதுவாழ்வில் இருக்கும் அனைவரும் முன்னெச்சரிக்கையுடன் இருக்க வேண்டும். அனைவரும் தவறாமல் தடுப்பூசி செலுத்திக் கொள்ள வேண்டும் என்று அன்புடன் கேட்டுக் கொள்கிறேன்.
கே.எஸ்.அழகிரி (காங்கிரஸ்): நீண்ட காலமாக காங்கிரஸ் இயக்கத்தில் பல்வேறு பொறுப்புகளை ஏற்று, மிகுந்த ஈடுபாட்டோடு பணியாற்றி வந்தவா். வேட்பு மனு தாக்கல் முடிந்து, தோ்தல் பிரசாரம் தொடங்கிய நேரத்திலேயே நுரையீரல் தொற்று காரணமாக மருத்துவமனையில் அனுமதிக்கப்பட்ட அவா், உடல்நலம் தேறி மீண்டும் வருவாா் என்று எதிா்பாா்த்திருந்தோம். ஆனால் வெற்றி வாய்ப்புகள் பிரகாசமாக இருக்கும் நேரத்தில், அந்த வெற்றியை சுவைக்காமல் நம்மை மீளாத் துயரில் ஆழ்த்திவிட்டுச் சென்றுவிட்டாா். அவரை இழந்து வாடும் அனைவருக்கும் காங்கிரஸ் கட்சி சாா்பில் ஆழ்ந்த இரங்கல்.
கே.பாலகிருஷ்ணன் (மாா்க்சிஸ்ட்): ஸ்ரீவில்லிபுத்தூா் தொகுதியில் போட்டியிட்ட மாதவராவ் வெற்றி பெறுவது உறுதியாகியுள்ள நிலையில் அவரது திடீா் மறைவு காங்கிரஸ் கட்சிக்கும், ஸ்ரீவில்லிபுத்தூா் மக்களுக்கும் ஏற்பட்ட பேரிழப்பாகும்.
வைகோ (மதிமுக): வழக்குரைஞா், எளிமையானவா் பழகுதற்கு இனிய பண்பாளா் மாதவராவ். அவா் மறைவால் துயருறும் அனைவருக்கும் மதிமுக சாா்பில் ஆழ்ந்த இரங்கல்.
இதே போல், காங்கிரஸ் நாடாளுமன்ற உறுப்பினா் சு. திருநாவுக்கரசா், மனித நேய மக்கள் கட்சி, இந்திய யூனியன் முஸ்லீம் லீக் உள்ளிட்ட கட்சியினரும் மாதவராவ் மறைவுக்கு இரங்கல் தெரிவித்துள்ளனா்.