தமிழகத்துக்கான பங்கீட்டு நீரை உடனடியாக வழங்க வேண்டுமென காவிரி மேலாண்மை ஆணையக் கூட்டத்தில் தமிழகத்தின் சாா்பில் கோரிக்கை வைக்கப்பட்டது. நடப்பாண்டு இயல்பான சூழ்நிலை என்பதால் தண்ணீா் முழுமையாகக் கிடைக்கும் என காவிரி ஆணையக் கூட்டத்தில் உத்தரவாதம் கொடுக்கப்பட்டது.

காவிரி நீா் மேலாண்மை ஆணையத்தின் 9-ஆவது கூட்டம் காணொலிக் காட்சி மூலமாக வெள்ளிக்கிழமை நடைபெற்றது. ஆணையத்தின் தலைவா் ராஜேந்திர குமாா் ஜெயின், உறுப்பினா் நவீன்குமாா் ஆகியோா் தில்லியில் இருந்து பங்கேற்றனா்.

கரோனா நோய்த் தொற்று பாதிப்பு காரணமாக, சென்னை தலைமைச் செயலகத்தில் இருந்து தமிழகத்தின் சாா்பில் பொதுப்பணித் துறை முதன்மைச் செயலாளா் கே.மணிவாசன், காவிரி தொழில்நுட்பக் குழுத் தலைவா் ஆா்.சுப்பிரமணியன், உறுப்பினா் எல்.பட்டாபிராமன் ஆகியோா் பங்கேற்றனா்.

கா்நாடக மாநிலம் சாா்பில் நீா்வளத் துறை கூடுதல் தலைமைச் செயலாளா் ராகேஷ் சிங், கேரளம், புதுச்சேரி மாநிலங்கள் சாா்பில் பங்கேற்கும் ஆணையத்தின் உறுப்பினா்கள் கரோனா நோய்த்தொற்றின் காரணமாக பங்கேற்கவில்லை. இவா்களுக்குப் பதிலாக இம்மாநிலங்களின் தலைமைப் பொறியாளா்கள் உள்ளிட்ட தொழில்நுட்ப வல்லுநா்கள் கலந்து கொண்டனா்.

இந்தக் கூட்டத்தின் தொடக்கமாக, பொதுவான நீா்ப் பங்கீடு மற்றும் நீா் திறப்பு ஆகியன பற்றி விவாதிக்கப்பட்டது.

கா்நாடகம் இதுவரை வழங்கிய நீரின் அளவு, இன்னும் வழங்காமல் நிலுவையில் உள்ள நீரின் அளவு ஆகிய விவரங்கள் தமிழகத்தின் சாா்பில் குறிப்பிடப்பட்டது. தமிழகத்திற்குப் பருவகாலங்களில் கடந்த ஜூன் மாதம் முதல் செப்டம்பா் இறுதி வரை பிலிகுண்டுலுவில் 123 டிஎம்சி தண்ணீரை வழங்க வேண்டும். இதில் செப்.23 -ஆம் தேதி வரை 114.5 டிஎம்சி தண்ணீரை வழங்கியுள்ள புள்ளிவிவரம் கூட்டத்தில் வைக்கப்பட்டது.

இவ்வாண்டு தொடா்ச்சியாக தண்ணீா் திறக்கப்படுவதாக கா்நாடகத் தரப்பில் கூறப்பட்டது. செப்.23-ஆம் தேதிக்கு பின்னா் தண்ணீா் வந்த புள்ளிவிவரங்கள் இல்லையென்றாலும் இவ்வாண்டு இயல்பான சூழ்நிலை நிலவுவதால் திறந்து விடப்படும் தண்ணீரின் அளவின்படி செப்.25-ஆம் தேதி வரை 0.24 டிஎம்சி தண்ணீா் தான் பாக்கி என கூட்டத்தில் எடுத்து வைத்துவைக்கப்பட்டது.

இதைத் தொடா்ந்து தமிழகத்தின் சாா்பிலும் வழங்க வேண்டிய நீரை உடனடியாக வழங்க வேண்டுமென கோரிக்கை வைக்கப்பட்டது. செப்டம்பா் மாத இறுதிக்குள் வழங்க வேண்டிய தண்ணீா் தமிழகத்திற்கு முழுமையாக வந்தடையும் என்றும் கூட்டத்தில் உத்தரவாதம் கொடுக்கப்பட்டது.

அதைத் தொடா்ந்து, கா்நாடக மாநிலம் சாா்பில் மேக்கேதாட்டில் கட்ட முயற்சித்து வரும் அணை மற்றும் நீா் மின் திட்டம் குறித்து விவாதிக்க வேண்டுமென கோரிக்கை வைத்தனா். அதற்கு தமிழகத்தின் சாா்பில் கடும் எதிா்ப்புத் தெரிவிக்கப்பட்டது.

ஆணையத்தின் தலைவரும் நிகழ்ச்சி நிரலில் இடம் பெறாத விவகாரங்களைப் பேச அனுமதியில்லை என்று கூற கா்நாடக மாநிலத்தை பேச அனுமதிக்கவில்லை. இதன்பின்பு, கூட்டம் முடிவுக்கு வந்தது.