திருச்செந்தூர் அருள்மிகு சுப்பிரமணிய சுவாமி திருக்கோயிலில் பா.ஜ.க.வின் வெற்றிவேல் யாத்திரைக்கான வேல் வைத்து சிறப்பு வழிபாடு நடைபெற்றது.

பா.ஜ.க. சார்பில் வருகின்ற நவ. 6 முதல் டிச. 6 வரை  தமிழ்க்கடவுள் முருகனின் ஆறுபடை வீடுகளில் வெற்றிவேல் யாத்திரை நடைபெறவுள்ளது. நவ. 6-ம் தேதி திருத்தணியில் தொடங்கவுள்ள இந்த யாத்திரைக்கான வேலை சூரசம்ஹார ஸ்தலமான திருச்செந்தூர் அருள்மிகு சுப்பிரமணிய சுவாமி திருக்கோயிலில் வைத்து அக்கட்சியினர் வெள்ளிக்கிழமை சிறப்பு வழிபாடு நடத்தினர். 

நிகழ்ச்சியில், பா.ஜ.க. இளைஞரணி மாவட்ட துணைத்தலைவர் ஜெய்ஆனந்த், செய்தி தொடர்பு பிரிவு தலைவர்கள் திருத்தணி கோகுலகிருஷ்னன், தூத்துக்குடி மு.பாலமுருகன், திருநெல்வேலி நடராஜன், திருச்செந்தூர் ஒன்றிய பொதுச் செயலர் முத்துக்குமார், அரசு தொடர்பு பரிவு தூத்துக்குடி மாவட்ட தலைவர் பாலசுப்பிரமணியன், மாவட்ட செய்தி தொடர்பாளர் நம்பிலிங்கம், மாவட்டச் செயலர் ஹரிஹரன், தூத்துக்குடி கிழக்கு மண்டல தலைவர் சந்தானகுமார், உள்ளிட்டோர் கலந்து கொண்டனர்.