தமிழ்நாடு

தமிழகத்தில் புதிதாக 2,516 பேருக்கு கரோனா

28th Oct 2020 06:17 PM

ADVERTISEMENT


தமிழகத்தில் புதிதாக 2,516 பேருக்கு கரோனா வைரஸ் நோய்த் தொற்று இருப்பது இன்று (புதன்கிழமை) உறுதி செய்யப்பட்டுள்ளது.

தமிழகத்தில் கரோனா தொற்றால் புதிதாக பாதிக்கப்பட்டோர், பலியானோர், குணமடைந்தோர் பற்றிய தரவுகள் அடங்கிய செய்திக் குறிப்பை மாநில சுகாதாரத் துறை வெளியிட்டுள்ளது. மாநிலத்தில் புதிதாக 2,516 பேருக்கு நோய்த் தொற்று இருப்பது உறுதி செய்யப்பட்டதையடுத்து, மொத்தம் பாதித்தோர் எண்ணிக்கை 7,16,751 ஆக உயர்ந்துள்ளது.

அதிகபட்சமாக சென்னையில் இன்று 688 பேருக்கு நோய்த் தொற்று இருப்பது கண்டறியப்பட்டுள்ளது.

மேலும் 35 பேர் (அரசு மருத்துவமனை - 19, தனியார் மருத்துவமனை - 16) பலியாகியுள்ளனர். இதைத் தொடர்ந்து, மொத்த பலி எண்ணிக்கை 11,018 ஆக உயர்ந்துள்ளது.

ADVERTISEMENT

மேலும் 3,859 பேர் கரோனா தொற்றிலிருந்து குணமடைந்து வீடு திரும்பியுள்ளனர். இதுவரை மொத்தம் 6,79,377 பேர் குணமடைந்துள்ளனர். 26,356 பேர் இன்னும் சிகிச்சையில் உள்ளனர்.

தமிழகத்தில் இன்று 72,433 மாதிரிகள் பரிசோதிக்கப்பட்டன. இதுவரை மொத்தம் 97,32,863 மாதிரிகள் பரிசோதனை செய்யப்பட்டுள்ளன.

Tags : coronavirus
ADVERTISEMENT

MORE FROM THE SECTION

ADVERTISEMENT