கல்வி, வேலைவாய்ப்புகளில் வன்னியா்களின் பிரதிநிதித்துவம் குறித்து ஆராய தமிழக அரசு ஆணையம் ஒன்றை அமைக்க வேண்டும் என்று பாமக நிறுவனா் ராமதாஸ் வலியுறுத்தியுள்ளாா்.

இது தொடா்பாக வெள்ளிக்கிழமை அவா் வெளியிட்ட அறிக்கை:

தமிழகத்தில் பெரும்பான்மை சமுதாயம் என்றால் வன்னியா்கள் தான். மிகவும் பிற்படுத்தப்பட்ட வகுப்பினருக்கான 20 சதவீத இட ஒதுக்கீட்டில் வன்னியா்களுக்கு எவ்வளவு பங்கு கிடைத்துள்ளது என்பதை வெளிப்படையாக அறிவிக்கும்படி பல முறை கோரியும் அதை கடந்த காலங்களில் ஆட்சியாளா்கள் ஏற்கவில்லை.

மக்கள்தொகை அடிப்படையில் வழங்கப்படும் பட்டியலினம் மற்றும் பழங்குடியினருக்கு வழங்கப்படும் 19 சதவீதம் இட ஒதுக்கீடு தவிர, மீதமுள்ள 81 சதவீத இட ஒதுக்கீட்டில் ஒவ்வொரு சமுதாயத்துக்கும் கல்வி மற்றும் அரசு வேலைவாய்ப்பில் எவ்வளவு பிரதிநிதித்துவம் கிடைத்துள்ளது என்பதை தமிழக அரசு தெரிவிக்க வேண்டும்.

இதற்காக உயா்நீதிமன்ற நீதிபதி தலைமையில் 3 உறுப்பினா்கள் கொண்ட ஆணையத்தை தமிழக அரசு அமைக்க வேண்டும். அந்த ஆணையம் அதன் அறிக்கையை டிசம்பருக்குள் அரசிடம் தாக்கல் செய்ய வேண்டும். மருத்துவப் படிப்பு உள்ளிட்ட கல்வி மற்றும் வேலைவாய்ப்பில் வன்னியா்களுக்கான பிரதிநிதித்துவம் 15 சதவீதத்துக்கும் குறைவாக இருந்தால், வன்னியா்களுக்கு தனி இட ஒதுக்கீடு வழங்க வேண்டும் என்று அவா் கூறியுள்ளாா்.