வாரத்தின் அனைத்து நாள்களிலும் இயக்கப்பட்டு வந்த சேலம்-சென்னை விமான சேவை வரும் 25 ஆம் தேதியில் இருந்து நிர்வாக காரணங்களுக்காக, வாரத்திற்கு ஐந்து நாள் சேவையாக மாற்றப்பட்டு இருப்பதாக விமான நிறுவன மேலாளர் பிரசன்னா தெரிவித்துள்ளார்.

இதுகுறித்து அவர் வெளியிட்டுள்ள அறிக்கையில், வரும் 25 ஆம் தேதி முதல் செவ்வாய்க்கிழமை மற்றும் புதன்கிழமை தவிர மற்ற ஐந்து நாள்களில் சேலம்-சென்னை விமான சேவை நடைபெறும் என்று தெரிவித்துள்ளார். 

விமான புறப்பாடு மற்றும் விமான வருகை நேரத்திலும் சிறிதளவு மாற்றம் செய்யப்பட்டுள்ளது. இதன்படி சென்னையிலிருந்து காலை 7.15 மணிக்கு புறப்பட்டு சேலத்திற்கு 8.15மணிக்கு வந்து சேரும், மறுமார்க்கமாக  சேலத்தில் இருந்து 8.35 மணிக்கு புறப்பட்டு சென்னையில் 9.35 மணிக்கு விமானம் தரையிறங்கும் எனவும் அறிவிக்கப்பட்டுள்ளது.

விமான போக்குவரத்து நாள்களில் கடப்பா, விஜயவாடா, மைசூர் மற்றும் பெல்காம் உள்ளிட்ட ஊர்களுக்கு இணைப்பு பயணம் கொடுக்கப்படும் எனவும் ட்ருஜெட் விமான நிறுவன மேலாளர் பிரசன்னா தெரிவித்துள்ளார் .