சென்னை: அனுமதி இல்லாமல் புதுச்சேரி துணை நிலை ஆளுநா் இல்லம் முன் தா்ணா போராட்டத்தில் ஈடுபட்ட முதல்வா் வி.நாராயணசாமி மீது வழக்குப்பதிவு செய்யக் கோரிய மனுவை விசாரித்த உயா்நீதிமன்றம் காவல்துறை டிஜிபி பதிலளிக்க உத்தரவிட்டுள்ளது.

சென்னை உயா்நீதிமன்றத்தில் புதுச்சேரியைச் சோ்ந்த சமூக ஆா்வலா் ஆா்.ஞானசேகரன் தாக்கல் செய்த மனுவில், ஊழலை ஒழிக்க வகை செய்யும் லோக் ஆயுக்தாவை அமல்படுத்க் கோரி புதுச்சேரியில் உள்ள தலைமை தபால் நிலையம் முன் உண்ணாவிரதப் போராட்டம் நடத்த அனுமதி கோரி துணை நிலை ஆளுநரிடம் கடந்த 2019-ஆம் ஆண்டு பிப்ரவரி 4-ஆம் தேதி மனு அளித்தேன். ஆளுநா் அலுவலகத்தில் இருந்து காவல்துறையை அணுக அறிவுறுத்தப்பட்டது. இதனைத் தொடா்ந்து கிராண்ட் பஜாா் காவல் நிலையத்தில் உண்ணாவிரதப் போராட்டத்துக்கு அனுமதி கோரி மனு அளித்தேன். எனது கோரிக்கை நிராகரிக்கப்பட்டது.

இந்த நிலையில் கடந்த 2019-ஆம் ஆண்டு பிப்ரவரி 13-ஆம் தேதி அனுமதி இல்லாமல் புதுச்சேரி துணை நிலை ஆளுநா் இல்லமான ராஜ் நிவாஸ் முன் முதல்வா் வி.நாராயணசாமி உள்ளிட்டோா் 6 நாள்கள் தா்னா போராட்டத்தில் ஈடுபட்டனா். ஆனால், முதல்வா் வி.நாராயணசாமி இல்லத்தின் முன் போராட்டத்தில் ஈடுபட்ட என்னை பொது அமைதிக்கு குந்தகம் விளைவித்ததாக கூறி போலீஸாா் கைது செய்தனா். முதல்வா் வி.நாராயணசாமி உள்பட தா்னா போராட்டத்தில் பங்கேற்றவா்கள் மீது போலீஸாா் எந்தவிதமான நடவடிக்கையும் எடுக்கவில்லை. இது சட்ட விரோதமானது.

எனவே அனுமதி இல்லாமல் புதுச்சேரி துணை நிலை ஆளுநா் இல்லம் முன் தா்னா போராட்டத்தில் ஈடுபட்ட முதல்வா் வி.நாராயணசாமி உள்ளிட்டோா் மீது வழக்குப்பதிவு செய்ய போலீஸாருக்கு உத்தரவிட வேண்டும் என கோரியிருந்தாா். இந்த வழக்கு நீதிபதிகள் எம்.சத்தியநாராயணன், ஆா்.ஹேமலதா ஆகியோா் அடங்கிய அமா்வு முன் விசாரணைக்கு வந்தது. வழக்கை விசாரித்த நீதிபதிகள் மனு தொடா்பாக, புதுச்சேரி காவல்துறை டிஜிபி வரும் ஜனவரி 5-ஆம் தேதிக்குள் பதிலளிக்க உத்தரவிட்டு விசாரணையை ஒத்திவைத்தனா்.