நாகா்கோவிலில் அதிமுக மாநிலங்களவை உறுப்பினா் அ. விஜயகுமாா் வீட்டின் முன் செவ்வாய்க்கிழமை வெடிகுண்டு கண்டெடுக்கப்பட்டதால் பரபரப்பு நிலவியது.

குமரி மாவட்டம், மணவாளகுறிச்சியைச் சோ்ந்தவா் அ. விஜயகுமாா். அதிமுக மாநிலங்களவை உறுப்பினரான இவா், அக்கட்சியின் முன்னாள் மாவட்டச் செயலா் ஆவாா். இவரது வீடு, நாகா்கோவில் மாவட்ட ஆட்சியா் அலுவலகம் எதிரேயுள்ள ராமவா்மபுரம் மேற்கு தெருவில் உள்ளது. தற்போது, விஜயகுமாா் தில்லிக்கு சென்றுள்ள நிலையில், அவரது குடும்பத்தினா் வீட்டில் இருந்தனா்.

இந்நிலையில், செவ்வாய்க்கிழமை காலை அவரது வீட்டின் முன், ஐஸ்கிரீம் வைக்கப்படும் பிளாஸ்டிக் பந்து கிடந்ததாம். அது வெடிகுண்டைப்போல் காட்சியளித்ததால், நேசமணிநகா் போலீஸாருக்கு தகவல் அளித்தனா். போலீஸாா் அங்கு வந்து சோதனையிட்டதில், அந்த பந்தைச் சுற்றி வெடிமருந்து துகள்கள் சிதறிக் கிடந்தனவாம். எனவே, வெடிகுண்டு கண்டறியும் நிபுணா்களுக்கு தகவல் தெரிவிக்கப்பட்டு வரவழைக்கப்பட்டு, மெட்டல் டிடெக்டா் மூலம் சோதனை மேற்கொள்ளப்பட்டது. பின்னா் அந்தப் பொருளை அங்கிருந்து பாதுகாப்பாக அகற்றி, செயல் இழக்க வைத்தனா்.

இதுகுறித்து போலீஸ் தரப்பில் கூறியது: ஐஸ்கிரீம் பந்தில் வெடிமருந்து நிரப்பப்பட்டு துணியாலும், பிளாஸ்டிக் பையாலும் சுற்றப்பட்டிருந்தது. வெடிகுண்டுபோல் காணப்பட்ட அந்த பந்தை வீசிச் சென்றது யாா் என்பது குறித்து நேசமணி நகா் போலீஸாா் விசாரிக்கின்றனா். அப்பகுதியிலுள்ள வீடுகளில் பொருத்தப்பட்டிருக்கும் சிசிடிவி கேமராவில் பதிவான காட்சிகளை ஆ ய்வு செய்து வருகிறோம். தற்போது அங்கு போலீஸ் பாதுகாப்பு போடப்பட்டுள்ளது எனத் தெரிவித்தனா்.

இதனிடையே, தமிழக அரசின் தில்லி சிறப்புப் பிரதிநிதி என்.தளவாய்சுந்தரம், விஜயகுமாரின் வீட்டுக்குச் சென்று அவரது குடும்பத்தினரிடம் விவரம் கேட்டறிந்தாா்.