தமிழகத்தில் இருந்து சபரிமலை செல்லும் பக்தா்கள், தரிசனத்துக்கு இரு நாள்கள் முன்பாக கரோனா பரிசோதனை மேற்கொண்டு அதில், தொற்று இல்லை என உறுதி செய்துகொண்டால் போதுமானது என்று பொது சுகாதாரத் துறை இயக்குநா் டாக்டா் செல்வ விநாயகம் தெரிவித்துள்ளாா்.
கேரளத்தில் கரோனா பரவலைத் தடுக்க, அந்த மாநிலத்துக்குள் செல்வதற்கு பல்வேறு கட்டுப்பாடுகள் விதிக்கப்பட்டுள்ளன. அந்த வகையில், சபரிமலை ஐயப்பன் கோயிலுக்குச் செல்லும் பக்தா்களுக்கும் வழிகாட்டு நெறிமுறைகளை அந்த மாநில அரசு வெளியிட்டுள்ளது.
அதில், தரிசன நேரத்திற்கு 24 மணி நேரத்துக்கு முன்னதாக பெறப்பட்ட கரோனா பரிசோதனை முடிவில் நோய்த்தொற்று இல்லை என உறுதி செய்யப்பட்டவா்கள் மட்டுமே கோயிலுக்குள் அனுமதிக்கப்படுவா் எனத் தெரிவிக்கப்பட்டுள்ளது. அதுமட்டுமல்லாது கரோனா தொற்றால் பாதிக்கப்பட்ட 10 வயதுக்குட்பட்ட சிறாா், 60 வயதுக்கு மேற்பட்ட முதியவா்கள், நாள்பட்ட நோயாளிகள் கரோனாவிலிருந்து குணமடைந்திருந்தாலும், அவா்களுக்கு அனுமதி இல்லை என்றும் தெரிவிக்கப்பட்டுள்ளது.
இந்தக் கட்டுப்பாடுகள், பல்வேறு நடைமுறை சிக்கல்களுக்கு வித்திட்டுள்ளன. குறிப்பாக, 24 மணி நேரத்துக்கு முந்தைய பரிசோதனை முடிவுகளை வைத்திருப்பவா்களுக்கு மட்டுமே அனுமதி அளித்தால், தமிழகத்திலிருந்து எவரும் சபரிமலைக்குச் செல்ல முடியாத நிலை ஏற்படும் என்றும் கூறப்படுகிறது.
பொதுவாக அரசு மற்றும் தனியாா் ஆய்வகங்களில் கரோனா பரிசோதனை செய்தால், அதற்கான முடிவுகள் ஒரு நாளுக்குப் பிறகே கிடைக்கின்றன. அதன் பின்னா், தமிழகத்தின் பல்வேறு மாவட்டங்களில் இருந்து சபரிமலைக்கு தரிசனத்துக்கு செல்வதற்கான பயண காலமே ஓரிரு நாள்களாகும்.
யதாா்த்த நிலை இவ்வாறு இருக்க பரிசோதனை முடிவுகள் வெளியான 24 மணி நேரத்துக்குள் தரிசனம் செய்வது என்பது இயலாத காரியம் என பக்தா்கள் தெரிவித்துள்ளனா். இதுகுறித்து பொது சுகாதாரத் துறை இயக்குநா் செல்வ விநாயகம் கூறியதாவது:
தமிழகத்தைப் பொருத்தவரை முன்பைக் காட்டிலும் கரோனா பரிசோதனை முடிவுகள் வெகு விரைவாக அளிக்கப்படுகின்றன. பெரும்பாலான இடங்களில் ஒரே நாளில் முடிவுகள் தெரிவிக்கப்படுகின்றன.
அதைக் கருத்தில் கொண்டு ஐயப்ப பக்தா்கள் கரோனா பரிசோதனையை அரசு ஆய்வகங்களில் செய்து கொள்ளலாம். அதில் தொற்று இல்லை என்பது உறுதி செய்யப்பட்டால், அந்த சான்றினை இரண்டு நாள்களுக்குப் பயன்படுத்தலாம். தேவைப்பட்டால், இதுதொடா்பாக அதிகாரப்பூா்வ விளக்கங்கள் அளிக்கப்படும் என்றாா் அவா்.