வெள்ளிக்கிழமை 20 செப்டம்பர் 2019

பொங்கல் டிக்கெட் முன்பதிவு: சில நிமிடங்களில் முடிந்தது

DIN | Published: 12th September 2019 10:06 AM

பொங்கல் பண்டிகைக்கான ரயில் டிக்கெட் முன்பதிவு தொடங்கிய 15 நிமிடங்களில் முடிவடைந்தது. 

பொங்கல் ஜனவரி 14ஆம் தேதி போகியிலிருந்து, 17ஆம் தேதி காணும் பொங்கல் வரை 4 நாட்கள் கொண்டாடப்படுகிறது. ஜனவரி 13ஆம் தேதியான திங்கட்கிழமையை தவிர்த்து பார்த்தால், ஜனவரி 11ஆம் தேதியிலிருந்து தொடர்ச்சியாக விடுமுறை கிடைக்க வாய்ப்பு உள்ளது. அந்த வகையில், பொங்கல் பண்டிகை கொண்டாட ஜனவரி 10ஆம் தேதி வெளியூர் செல்பவர்களுக்கான ரயில் டிக்கெட் முன்பதிவு இன்று தொடங்கியது. 

இதற்காக சென்னை சென்ட்ரல், எழும்பூர், மாம்பலம், தாம்பரம் உள்பட முக்கிய ரயில் நிலையங்களில் உள்ள முன்பதிவு மையங்களில்  டிக்கெட் முன்பதிவு செய்ய மக்கள் அதிகாலை முதலே காத்திருந்தனர். காலை 8 மணிக்கு டிக்கெட் முன்பதிவு தொடங்கி, ஒரு நிமிடம் முதல் 15 நிமிடங்களில் டிக்கெட் முன்பதிவு முடிந்தது. இதனால் முன்பதிவு செய்ய காத்திருந்த பலர் ஏமாற்றத்துடன் திரும்பிச் சென்றனர்.

ஜனவரி 11ஆம் தேதிக்கான முன்பதிவு நாளையும், ஜனவரி 12ஆம் தேதிக்கான முன்பதிவு செப்.14ஆம் தேதியும், ஜனவரி 13ஆம் தேதிக்கான முன்பதிவு செப்.15ஆம் தேதியும் தொடங்குகிறது. பொங்கலுக்கு முந்தைய நாள் ஜனவரி 14-ஆம் தேதிக்கான முன்பதிவு செப்.16ஆம் தேதி தொடங்குகிறது. பொங்கல் பண்டிகைக்கு பின் சொந்த ஊரில் இருந்து திரும்பும் போது, ஜனவரி 17-ம் தேதிக்கான முன்பதிவு செப்.19ஆம் தேதியும், ஜனவரி 18ஆம் தேதிக்கான முன்பதிவு செப்.20ஆம் தேதியும், ஜனவரி 19ஆம் தேதிக்கான முன்பதிவு செப்.21ஆம் தேதியும் தொடங்குகிறது.
 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!
Tags : pongal train Reserving tickets

More from the section

ஐந்து ஆண்டுகளுக்குள் விண்வெளி ஆராய்ச்சியில் இந்தியா முதலிடம்: இஸ்ரோ விஞ்ஞானி பேச்சு
பால் விற்பனையாளா்களிடம் அதிரடி ஆய்வு: 25 ஊற்றல் அளவீடுகள் பறிமுதல்
வாய்ப்பு... வாய்ப்பு... வாய்ப்பு... ஆவின் பொருட்கள் விற்பனைக்கு மாற்றுத்திறனாளிகள் விண்ணப்பிக்கலாம்
கோவை சூலூா் அருகே பள்ளி மாணவி பாலியல் பலாத்காரம்: கல்லூரி இளைஞா் கைது
ஐ.ஏ.எஸ். தோ்வுக்கு உதவித் தொகையுடன் ஐ.ஏ.எஸ். பயிற்சி