வெள்ளிக்கிழமை 20 செப்டம்பர் 2019

உள்ளாட்சித் தேர்தல்: வாக்குச் சீட்டுகளை அச்சடிக்க ஒப்பந்தப் புள்ளி கோரியது தேர்தல் ஆணையம்

DIN | Published: 12th September 2019 02:58 AM


உள்ளாட்சித் தேர்தலை நடத்துவதற்கான ஆயத்தப் பணிகளை மாநிலத் தேர்தல் ஆணையம் தீவிரப்படுத்தியுள்ளது. 
கிராமப்புற ஊராட்சிகளில் பயன்படுத்தப்படும் வாக்குச் சீட்டுகளை அச்சிட ஒப்பந்தப் புள்ளிகளை கோரியுள்ளது. தமிழகத்தில் உள்ளாட்சித் தேர்தலை நடத்தும் பணிகளை தமிழ்நாடு மாநிலத் தேர்தல் ஆணையம் மேற்கொண்டு வருகிறது. இதற்கான பூர்வாங்கப் பணிகள் அனைத்தும் முடிக்கப்பட்டுள்ளன. இந்நிலையில், ஊரகப் பகுதிகளுக்கான  வாக்குச் சீட்டுகளை அச்சிடும் பணிகளை முடுக்கி விடப்பட்டுள்ளது. அதன்படி, பேரூராட்சி, நகராட்சித் தலைவர் மற்றும் மாநகராட்சி மேயர் தேர்தலில் பயன்படுத்தப்படும் இளஞ்சிவப்பு நிறம் கொண்ட காகிதங்களை கொள்முதல் செய்ய தேர்தல் ஆணையம் முடிவு செய்துள்ளது.
இதேபோல, சிற்றூராட்சி வார்டு உறுப்பினர் தேர்தலில் நீல நிறத்தில் வாக்குச் சீட்டுகள் பயன்படுத்தப்படும். இதற்கான காகிதங்களை இப்போதே கொள்முதல் செய்திட தமிழ்நாடு மாநிலத் தேர்தல் ஆணையம் முடிவு செய்துள்ளது. நீல நிறத்திலான காகிதமும், இளஞ்சிவப்பு நிறத்திலான காகிதமும் தேவை எனவும், தகுதியுடையவர்கள் வரும் 20-ஆம் தேதிக்குள் மூடி முத்திரையிடப்பட்ட உறையில் தொழில்நுட்ப அம்சங்களைக் குறிப்பிட்டு அனுப்ப வேண்டுமெனவும் மாநிலத் தேர்தல் ஆணையம் கோரியுள்ளது. அன்றைய தினமே ஒப்பந்தப் புள்ளிகள் திறக்கப்பட்டு தகுதியானவர்கள் தேர்வு செய்யப்படுவர் எனவும் கேட்பு அறிவிக்கையில் தெரிவிக்கப்பட்டுள்ளது.
தேர்தலை நடத்த ஆயத்தம்: வழக்குகள் உள்ளிட்ட பல்வேறு காரணங்களால் தமிழகத்தில் உள்ளாட்சித் தேர்தல் தொடர்ந்து தள்ளிப் போடப்பட்டு வந்தது. இந்த நிலையில், வாக்குச் சீட்டுகளுக்கு ஒப்பந்தப் புள்ளிகள் கோருவது, மின்னணு வாக்குப் பதிவு இயந்திரங்களைத் தயார் நிலையில் வைப்பது போன்ற பணிகள் மூலமாக உள்ளாட்சித் தேர்தலுக்கு தன்னை முழுவீச்சில் தமிழ்நாடு மாநிலத் தேர்தல் ஆணையம் தயார்படுத்தி வருவது குறிப்பிடத்தக்கது.
 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

ஐந்து ஆண்டுகளுக்குள் விண்வெளி ஆராய்ச்சியில் இந்தியா முதலிடம்: இஸ்ரோ விஞ்ஞானி பேச்சு
பால் விற்பனையாளா்களிடம் அதிரடி ஆய்வு: 25 ஊற்றல் அளவீடுகள் பறிமுதல்
வாய்ப்பு... வாய்ப்பு... வாய்ப்பு... ஆவின் பொருட்கள் விற்பனைக்கு மாற்றுத்திறனாளிகள் விண்ணப்பிக்கலாம்
கோவை சூலூா் அருகே பள்ளி மாணவி பாலியல் பலாத்காரம்: கல்லூரி இளைஞா் கைது
ஐ.ஏ.எஸ். தோ்வுக்கு உதவித் தொகையுடன் ஐ.ஏ.எஸ். பயிற்சி