வியாழக்கிழமை 19 செப்டம்பர் 2019

மேட்டூர் அணையில் நீர்திறப்பு 70 ஆயிரம் கன அடியாகக் குறைப்பு

DIN | Published: 10th September 2019 12:38 PM
மேட்டூர் அணை

 

மேட்டூர் அணையிலிருந்து திறக்கப்படும் நீரின் அளவு நொடிக்கு75 ஆயிரம் கன அடியாக இருந்த நிலையில் இன்று 70,900 கன அடியாகக் குறைக்கப்பட்டுள்ளது.

கர்நாடக மாநிலத்தில் காவிரியின் நீர் பிடிப்புப் பகுதியில் பெய்துவரும் மழையின் காரணமாக கபினி, கிருஷ்ணராஜ சாகர் அணைகள் நிரம்பிய நிலையில் தொடர் நீர்வரத்துக் காரணமாக அணைகளின் பாதுகாப்புக் கருதி உபரிநீர் காவிரியில் திறக்கப்பட்டுள்ளது.

காவிரியில் ஏற்பட்ட வெள்ளப்பெருக்குக் காரணமாக மேட்டூர் அணைக்கு நீர்வரத்து அதிகரித்து அணை நிரம்பியதால் அணைக்கு வரும் நீர் முழுவதும் வெளியேற்றப்பட்டு வந்தது.

இந்த நிலையில், திங்கட்கிழமை இரவு மேட்டூர் அணையிலிருந்து நொடிக்கு 75 ஆயிரம் கன அடி வீதம் தண்ணீர் திறக்கப்பட்டு வந்தது. அந்த அளவு இன்று காலை நிலவரப்படி 70 ஆயிரம் கன அடியாகக் குறைக்கப்பட்டுள்ளது.

செவ்வாய்க்கிழமை காலை மேட்டூர் அணையின் நீர்மட்டம் 120.710 அடியாக உள்ளது. அணைக்கு நொடிக்கு 65 ஆயிரம் கனஅடி வீதம் தண்ணீர் வந்துகொண்டிருக்கிறது.

அணையின் நீர் இருப்பு 94.606 டிஎம்சியாக இருக்கிறது. மேட்டூர் அணையின் கிழக்கு, மேற்கு கால்வாய் பாசனத்துக்கு நொடிக்கு 900 கனஅடி வீதம் தண்ணீர் திறக்கப்பட்டு வருகிறது.
 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!
Tags : mettur dam water inflow cauvery river water level karnataka rain தமிழ்நாடு வெதர்மேன் காவிரி நதி நீர் பங்கீடு மேட்டூர் அணையின் நீர்மட்டம்

More from the section

தமிழக வேலைவாய்ப்புகளில், தமிழர்களுக்கே முன்னுரிமை: உரியச் சட்டத்திருத்தம் கொண்டுவர ஸ்டாலின் வலியுறுத்தல்
மின்சாரம் தாக்கி உயிரிழந்த இருவரின் குடும்பத்தினருக்கு தலா ரூ.3 லட்சம் நிதியுதவி: முதல்வர் அறிவிப்பு 
கல்வித்துறையில் அதிரடி மாற்றங்கள்: அறிவிப்பு வெளியீடு 
அக்டோபர் 6-ஆம் தேதி கூடுகிறது திமுக பொதுக்குழு: பொதுச்செயலாளர் அன்பழகன் அறிவிப்பு     
பொதுத்துறை நிறுவனங்களில் கடைநிலை பணிகள் முழுக்க உள்ளூர் மக்களுக்கே!: அன்புமணி ராமதாஸ் வேண்டுகோள்