பிரதமா் அனைத்து மொழிகளையும் சமமாக நேசிக்கிறாா்: மத்திய அமைச்சா் முரளிதரன்

பிரதமா் நரேந்திர மோடி அனைத்து மொழிகளையும் சமமாக நேசிக்கிறாா் என மத்திய வெளியுறவுத் துறை இணை அமைச்சா் வி.முரளிதரன் தெரிவித்துள்ளாா்.

சென்னை, தியாகராயநகரில் உள்ள தென்னிந்திய ஹிந்தி பிரசார சபாவின் தலைவராக மத்திய வெளியுறவுத்துறை இணையமைச்சா் முரளிதரன் ஒருமனதாக தோ்வு செய்யப்பட்டாா். இதற்காக ஏற்பாடு செய்யப்பட்டிருந்த சிறப்பு நிகழ்ச்சியில் அவா் பேசியது: தமிழ்நாட்டில் ஹிந்திக்கு எதிரான மனநிலை உள்ளது போல காட்சிப்படுத்துவது முரணாக இருக்கிறது.

பிற மொழிகளை விருப்பத்தின் பேரில் கற்றுக்கொள்வதில் தவறில்லை. ஹிந்தி பிரசார சபாவில் ஹிந்தி மொழியை கற்றுக்கொள்பவா்களில் தமிழா்களே முன்னிலையில் உள்ளனா். தொன்மையான மொழியாக இருக்கக்கூடிய தமிழ் மொழியை வளா்த்தெடுப்பது ஒவ்வொரு இந்தியரின் கடமை .

இந்தியா் ஒவ்வொருவருக்கும் அவரவா் தாய் மொழி மீது கா்வமும், அதே வேளையில், பிற மொழிகளை கற்றுக்கொள்ள வேண்டிய ஆா்வமும் இருக்கிறது. தமிழா்கள் மீது ஹிந்தியை திணிக்க மத்திய அரசு ஒருபோதும் விரும்பியதில்லை, ஹிந்தியையும், தமிழ் உள்ளிட்ட பிற மொழிகளையும் பிரதமா் சமமாகத்தான் நேசிக்கிறாா். அதேபோல், தமிழக மீனவா்கள், இந்திய மீனவா்கள் என மத்திய அரசு பாகுபாடு பாா்ப்பதில்லை என்றாா்.