திங்கள்கிழமை 16 செப்டம்பர் 2019

கொடைக்கானல் பிரையண்ட் பூங்காவில் மலர்களால் வெள்ளை மயில், நாரினியா வடிவமைப்பு

DIN | Published: 29th May 2019 01:24 AM
கொடைக்கானல் பிரையண்ட் பூங்காவில் சுற்றுலாப் பயணிகள் கவரும் வகையில் வெள்ளை கொய்மலர்களால் அமைக்கப்பட்டுள்ள வெள்ளைமயில் மற்றும்  அஸ்டோமேரியா மலர்களால் அமைக்கப்பட்டுள்ள நாரினியா உருவம்.


கொடைக்கானல் பிரையண்ட் பூங்காவில் மலர் கண்காட்சியை முன்னிட்டு செவ்வாய்க்கிழமை உருவாக்கப்பட்ட வெள்ளை மயில் மற்றும் நாரினியா உருவம் சுற்றுலாப் பயணிகளைக் கவர்ந்துள்ளது. 
கொடைக்கானலில் தற்போது சீசன் களைகட்டி வரும் நிலையில் வரும் 30-ஆம் தேதி பிரையண்ட் பூங்காவில் மலர் கண்காட்சி தொடங்குகிறது. 3 நாள்கள் நடைபெறும் இந்த மலர் கண்காட்சிக்காக பல்வேறு பணகள் நடைபெற்று வருகிறது. 
இந்நிலையில் பிரையண்ட் பூங்கா பணியாளர்கள் சார்பில் சுற்றுலாப் பயணிகளைக் கவரும் வகையில் கர்நாடாகத்திலிருந்து வரவழைக்கப்பட்ட 2 ஆயிரத்திற்கு மேற்பட்ட வெள்ளை கொய்மலர்களால் 10 அடி நீளம் 8 அடி உயரம் கொண்ட வெள்ளை மயில் அமைக்கப்பட்டுள்ளது. 
மேலும் கொடைக்கானல் பூங்காவிலுள்ள அஸ்டோமேரியா, கிங் ஆஸ்டர், சைப்ரஸ், வெள்ளை கொய்மலர் போன்ற மலர்கள், செடிகளால் ஆன மனித உருவம், குதிரை உடல் கொண்ட நாரினியா உருவம் அமைக்கப்பட்டுள்ளது. இதன் முன் நின்று சுயபடம் எடுத்து சுற்றுலாப் பயணிகள் மகிழ்ந்து வருகின்றனர்.
இதுகுறித்து தோட்டக்கலைத்துறை அதிகாரி ஒருவர் கூறியதாவது: 
கொடைக்கானல் பிரையண்ட் பூங்காவில் மலர் கண்காட்சி நடைபெற உள்ளதை முன்னிட்டு பிரையண்ட் பூங்கா அழகுபடுத்தப்பட்டு வருகிறது. 
இந்தாண்டு மலர் கண்காட்சியில்  கிளி, நந்தி, ஒட்டகச்சிவிங்கி, புகைப்பட பிரேம் உள்ளிட்டவைகளின் உருவ மாதிரிகள்ஆயிரக்கணக்கான மலர்களால் உருவாக்கப்பட உள்ளது. 
மேலும் லட்சக்கணக்கான வண்ண வண்ண மலர்கள், 100-க்கும் மேற்பட்ட பூந்தொட்டிகளில் வைக்கப்பட்டு சுற்றுலாப் பயணிகளை கவரும் வகையில் பிரம்மாண்டமாக அமைக்கப்பட உள்ளது என்றார்.

 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

ஆறுகள் மாசுபடுவதைத் தடுக்க நடவடிக்கை:  தமிழக முதல்வர் கே. பழனிசாமி உறுதி
சென்னை மக்களுக்கு தடையின்றி குடிநீர் வழங்க ரூ.6 ஆயிரம் கோடியில் புதிய திட்டம்: முதல்வர் எடப்பாடி பழனிசாமி தகவல்
திட்டமிட்டு புறக்கணிக்கப்படும் தமிழகம்:  மு.க.ஸ்டாலின்
ஊதிய பட்டியலில் திருத்தம் செய்து ரூ. 86 லட்சம் மோசடி: துப்புரவு ஊழியர் பணியிடை நீக்கம்
பூரண மதுவிலக்கு கோரி குமரி அனந்தன் உண்ணாவிரதம்