புதன்கிழமை 21 ஆகஸ்ட் 2019

நடிகர் சங்கத் தேர்தல் 69 வேட்புமனுக்கள் ஏற்பு: விமல், ரமேஷ் கண்ணா மனு நிராகரிப்பு

DIN | Published: 12th June 2019 02:38 AM


நடிகர் சங்கத் தேர்தலில்  நடிகர்கள் விமல், ரமேஷ் கண்ணா ஆகியோரின் வேட்புமனுக்கள் நிராகரிக்கப்பட்டுள்ளன. மொத்தமாக 69 மனுக்கள் ஏற்று கொள்ளப்பட்டுள்ளன. 
2019 - 2022 ஆம் ஆண்டுக்கான தென்னிந்திய நடிகர் சங்க நிர்வாகிகளைத் தேர்ந்தெடுக்கும் தேர்தல், வரும் 23-ஆம் தேதி நடைபெற உள்ளது. ஓய்வுபெற்ற நீதிபதி பத்மநாபன், தேர்தல் அதிகாரியாகச் செயல்பட்டு இந்தத் தேர்தலை நடத்துகிறார்.
நாசர் தலைமையிலான பாண்டவர் அணியில் பொதுச் செயலாளர் பதவிக்கு விஷாலும், பொருளாளர் பதவிக்கு கார்த்தியும், துணைத் தலைவர்கள் பதவிக்கு கருணாஸ் மற்றும் பூச்சி முருகனும் போட்டியிடுகின்றனர்.
சுவாமி சங்கரதாஸ் அணி: பாண்டவர் அணியை எதிர்த்துப் போட்டியிடும் அணிக்கு சுவாமி சங்கரதாஸ் அணி என்று பெயரிடப்பட்டுள்ளது. இந்த அணியில்  நடிகரும் இயக்குநருமான கே.பாக்யராஜ் தலைவர் பதவிக்குப் போட்டியிடுகிறார். செயலாளர் பதவிக்கு ஐசரி கணேஷ், துணைத் தலைவர் பதவிக்கு குட்டி பத்மினி, உதயா ஆகியோர் போட்டியிடுகின்றனர்.  இந்த இரு அணிகளின் சார்பில் மனுக்கள் தாக்கல் செய்யப்பட்டன.
பரிசீலனை: வேட்புமனுக்கள் மீதான பரிசீலனை தேர்தல் அதிகாரி பத்மநாபன் முன்னிலையில் செவ்வாய்க்கிழமை நடைபெற்றது. இதில் மொத்தம் 69 மனுக்கள் ஏற்று கொள்ளப்பட்டன.  நடிகர்கள் விமல், ரமேஷ் கண்ணா ஆகிய இருவரின் வேட்புமனுக்கள் நிராகரிக்கப்பட்டதாக அறிவிக்கப்பட்டது. இந்தத் தகவலை தேர்தல் நடத்தும் அதிகாரி பத்மநாபன் அதிகாரப்பூர்வமாக வெளியிட்டுள்ளார்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

ஆந்திராவில் கனமழை; ஆனால் பாலாற்றில் தமிழகத்திற்குத் தண்ணீரே வரவில்லை: தமிழக அரசைச் சாடும் டிடிவி 
முதுநிலை பொறியியல் படிப்புகளுக்கு ஆகஸ்ட் 27-ஆம் தேதி முதல் கலந்தாய்வு: அண்ணா பல்கலைக்கழகம்
மாநிலங்களவைக்கு மீண்டும் தேர்வு: மன்மோகன் சிங்கிற்கு ஸ்டாலின் வாழ்த்து 
பேச்சுவார்த்தை தோல்வி: தனியார் தண்ணீர் லாரிகள் வேலை நிறுத்தம் தொடரும்! கண்ணீரில் பொதுமக்கள்
டீன் ஏஜ் மாணவிகளுக்கு முதல்வர் பழனிசாமி விடுக்கும் வேண்டுகோள்