சனிக்கிழமை 24 ஆகஸ்ட் 2019

இயக்குநர் சங்கத் தலைவராக ஆர்.கே.செல்வமணி தேர்வு

DIN | Published: 22nd July 2019 01:04 AM

 

தமிழ் திரைப்பட இயக்குநர் சங்கத் தலைவராக ஆ.கே.செல்வமணி தேர்வு செய்யப்பட்டார்.
இரண்டு ஆண்டுகளுக்கு ஒரு முறை தமிழ்த் திரைப்பட  இயக்குநர் சங்கத் தேர்தல் நடத்தப்படுவது வழக்கம். பதவியில் இருந்த விக்ரமன் தலைமையிலான, நிர்வாகத்தின் பதவிக் காலம் முடிவுக்கு வந்ததையடுத்து, புதிய நிர்வாகத்தை தேர்வு செய்வதற்கான தேர்தல் சென்னையில் ஞாயிற்றுக்கிழமை நடைபெற்றது.
இரு முனைப்போட்டி: இந்தத் தேர்தலில் தலைவர் பதவிக்கு ஆர்.கே.செல்வமணி, வித்யாசாகர் இருவரும்  போட்டியிட்டனர்.
சென்னை வடபழனியில் உள்ள திரைப்பட இசைக் கலைஞர்கள் சங்க வளாகத்தில் ஞாயிற்றுக்கிழமை காலை 7 மணிக்குத் தொடங்கி மாலை 4 மணி வரை வாக்குப்பதிவு நடைபெற்றது. சென்னை உயர்நீதிமன்ற வழக்குரைஞர் செந்தில்நாதன் 
மேற்பார்வையில் தேர்தல் நடைபெற்றது.
தலைவர், இரண்டு துணைத் தலைவர், நான்கு இணைச் செயலாளர்கள் மற்றும் 12 செயற்குழு உறுப்பினர்கள் உள்ளிட்ட பொறுப்புகளுக்கு இந்தத் தேர்தல் நடைபெற்றது. பொதுச் செயலாளர் பதவிக்கு ஆர்.வி. உதயகுமாரும், பொருளாளர் பதவிக்கு இயக்குநர் பேரரசுவும் ஏற்கெனவே போட்டியின்றி தேர்வு செய்யப்பட்டனர்.
4 மணிக்கு தேர்தல் முடிவடைந்த நிலையில் பதிவான வாக்குகள் எண்ணப்பட்டன. மொத்தம் பதிவான 1503 வாக்குகளில் 1386 வாக்குகள் பெற்று ஆர்.கே.செல்வமணி வெற்றி பெற்றார். அவரை எதிர்த்துப் போட்டியிட்ட வித்யாசாகர் 100 வாக்குகள் மட்டுமே பெற்றார்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

தங்கம் பவுனுக்கு ரூ.64 குறைவு
சாமிதோப்பில் ஆவணித் திருவிழா கொடியேற்றம்
சென்னை கடலில் அமெரிக்க காவல் படை கப்பல் ஸ்ட்ராட்டன்: 5 நாள்கள் கூட்டுப் பயிற்சி தொடக்கம்
முதல்வரின் வெளிநாட்டு பயணத்தால் தமிழகத்திற்கு முதலீடா? அல்லது அவருக்கு முதலீடா? 
சென்னை உயர்நீதிமன்றத்துக்கு 6 நீதிபதிகள் நியமனம்: நீதிபதிகளின் எண்ணிக்கை 58 ஆக உயர்வு