புதன்கிழமை 21 ஆகஸ்ட் 2019

அரசுக்கே அதிகாரம்; ஆளுநருக்கு இல்லை: கிரண்பேடியின் மேல்முறையீட்டு மனு தள்ளுபடி

DIN | Published: 12th July 2019 02:38 PM


புது தில்லி: புதுச்சேரி துணைநிலை ஆளுநருக்கு சிறப்பு அதிகாரம் எதுவும் இல்லை என்று சென்னை உயர்நீதிமன்றம் அண்மையில் பிறப்பித்த உத்தரவுக்கு தடை விதிக்கக் கோரி தாக்கல் செய்யப்பட்ட மனுக்களை உச்சநீதிமன்றம் இன்று தள்ளுபடி செய்துவிட்டது.

புதுச்சேரி மக்களால் தேர்ந்தெடுக்கப்பட்ட அரசுக்கே கூடுதல் அதிகாரம் உள்ளது. புதுச்சேரி அரசின் நடவடிக்கைகளில் ஆளுநர் கிரண்பேடி தலையிடக் கூடாது என்று சென்னை உயர் நீதிமன்றம் தீர்ப்பளித்தது.

இந்த தீர்ப்பை எதிர்த்து, புதுச்சேரி துணைநிலை ஆளுநர் கிரண்பேடி மற்றும் மத்திய அரசு சார்பில் உச்சநீதிமன்றத்தில் அண்மையில் மேல்முறையீடு செய்யப்பட்டது. 

இது தொடர்பான மனுக்கள் உச்சநீதிமன்றத்தில் தலைமை நீதிபதி ரஞ்சன் கோகோய், நீதிபதி சஞ்சீவ் கன்னா ஆகியோர் அடங்கிய அமர்வு முன் விசாரிக்கப்பட்டது.

விசாரணையின் போது, சென்னை உயர்நீதிமன்றத்தில் வழக்கு தொடுத்தவரும், காங்கிரஸ் எம்எல்ஏவுமான கே.லட்சுமிநாராயணன் சார்பில் ஆஜரான மூத்த வழக்குரைஞர் கபில் சிபல், மேல்முறையீட்டு மனுக்களுக்கு ஆட்சேபம் தெரிவித்தார். இதைத் தொடர்ந்து, மத்திய அரசின் கூடுதல் சொலிசிட்டர் ஜெனரல் துஷார் மேத்தா ஆஜராகி, சென்னை உயர்நீதிமன்றத்தின் உத்தரவால் புதுச்சேரியில் நிர்வாகம் பாதிக்கப்பட்டுள்ளது. எனவே, சென்னை உயர்நீதிமன்ற உத்தரவுக்கு தடை விதிக்க வேண்டும் என்றார். 

இருதரப்பு வாதங்களை கேட்ட நீதிபதிகள் அமர்வு, சென்னை உயர்நீதிமன்ற உத்தரவுக்கு தடை விதிக்க மறுத்து, கிரண்பேடி மற்றும் மத்திய அரசு தாக்கல் செய்த மேல்முறையீட்டு மனுக்களை தள்ளுபடி செய்து உத்தரவிட்டது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

போர்க்குற்றவாளியை தளபதியாக்குவதா? இலங்கையை இந்தியா கண்டிக்க வேண்டும்! ராமதாஸ் வலியுறுத்தல் 
சிதம்பரம் வெளிநாடு தப்பிச் செல்வதைத் தடுக்க அமலாக்கத் துறை லுக்-அவுட் நோட்டீஸ் பிறப்பிப்பு
கல்லீரல் நோயால் பாதிக்கப்பட்டுள்ள அமிதாப் பச்சன்: காரணத்தை விளக்கும் மருத்துவர்!
காஷ்மீர் விவகாரத்தில் திமுக நிலைப்பாட்டை மேற்கோள் காட்டும் பாகிஸ்தான் ரேடியோ!
காஞ்சிபுரம் மாவட்டத்தில் தண்ணீர் எடுக்க 52 இடங்களில் ஆழ்துளை கிணறு: ஆட்சியர் அறிவிப்பு